Qazaqstan halqy Assambleiasynyń el Táýelsizdiginiń 25 jyldyǵyna arnalǵan respýblikalyq aktsiiasynyń aiasynda «Táýelsiz Qazaqstan» poiyzy Aqtóbe oblysynyń Hromtaý aýdanyna keldi.
Kúnniń salqyndyǵyna qaramastan, hromtaýlyqtar qonaqtardy temir jol vokzalynda erekshe saltanatpen qarsy aldy. Aýdan ákimi Amanǵali Berdalin, oblystyq «Nur Otan» partiiasy tóraǵasynyń birinshi orynbasary Aibek Saǵiev bastaǵan jergilikti bilik ókilderi kelýshilerge ózderiniń jyly lebizderin bildirdi. Máselen, aýdan ákimi qonaqtardyń qadamyna sáttilik tiledi. «Táýelsiz Qazaqstan» poiyzynyń shtab jetekshisi Ámirjan Álpeiisov jinalǵandardy Táýelsizdiktiń 25 jyldyǵymen quttyqtady. Budan soń jergilikti ónerpazdar án aityp, bi bilep, qonaqtardy aýdan ortalyǵyna shyǵaryp saldy.
Top quramynda jeti ministrlikten, «Atameken» ulttyq kásipkerler palatasy men «QazAgro» ulttyq holdingi, «Qazaqstan temir joly» UK» AQ-tan barlyǵy 271 maman bar. Onyń 72-si – dáriger. Olar Hromtaý qalasyndaǵy Kenshilerdiń mádeniet úii men «Nur Otan» partiiasynyń ǵimaratynda turǵyndardy qabyldady. Kenshiler mádeniet úiinde Bilim jáne ǵylym, Ádilet, Aýyl sharýashylyǵy ministrlikteri men ulttyq palata ókilderi turǵyndarǵa keńes berdi.
– Buǵan deiingi júrip ótken qalalarda suraqtardyń kópshiligi alimentke qatysty boldy. Biri aliment óndirip ala almai júrse, ekinshisiniń sot oryndaýshylarynyń qyzmetine kóńili tolmaidy. Biz turǵyndardyń aryz-shaǵymyn tyńdap, eger másele sheshimin tabatyndai jaǵdai bolsa, sol sátte-aq oblystyq ádilet basqarmasy arqyly sheship bersek, keibir kúrdeli máselelerdi ózimiz jazyp alyp, ministrlikke jiberdik. Hromtaýda negizinen keńes alýǵa kelip jatqandar kóp, – dedi Ádilet ministrliginiń ókili Saparbek Aqjanbaev.
Al «Atameken» ulttyq kásipkerler palatasynyń ókili Arnur Darbaev kásipkerlerge memlekettik baǵdarlamalardyń múmkindikterin túsindirdi: «Kásipkerlerden nesie, sýbsidiia, kepilge zat qoiý tóńiregindegi suraqtar jii túsip jatyr. Biz kelgenderdiń barlyǵynyń suraqtaryna jaýap berip, qandai da bir problema bolsa, sheshýge yqpal etemiz. Sondai-aq, memlekettik baǵdarlamalardyń tiimdiligin aityp, nesie alýdyń qyr-syryn úiretemiz. Biyl «Aimaqtyq kásipkerlikti damytý kartasy» baǵdarlamasy bastaldy. Bul baǵdarlama boiynsha biznes ashqysy keletin azamattar internet arqyly naryqtaǵy jaǵdaidy baqylap, óz salasy boiynsha maǵlumattar alady», – dedi palata ókili.
Al «Nur Otan» partiiasynyń ǵimaratynda qoǵamdyq qabyldaý ótti. Turǵyndar ártúrli máseleler boiynsha ótinish, aryz-shaǵym men tilek aitty. Máselen, 76 jastaǵy Maral Tergeýsizov baspana surai kelipti: «35 jyl Kóktaý aýylynda shopan boldym. Keiingi 22 jylda eńbekke jaramai, múgedek retinde úide otyrmyn. Qazir jasym 76-dan asty. Basymda baspana joq. Úlken qyzymnyń qolynda turamyn. Osy máseleni aityp aýdan ákimdigine barǵanymmen paida bolmady. Endi Astanadan kelgen ókilderden kómek kútemin», – dedi aqsaqal.
Jalpy, qoǵamdyq qabyldaýǵa kelgen turǵyndar kóp boldy. Qabyldaýshylar barlyǵynyń máselesin jazyp aldy. Birine baǵyt-baǵdar berse, ekinshisiniń máselesin sheshýdi jergilikti bilikke tapsyrdy. Al dárigerler aýdandyq aýrýhanada qabyldaý júrgizdi. Jalpy, poiyz quramyndaǵy mamandar eki kún boiy hrom-
taýlyqtarǵa kómek berdi.
«Táýelsiz Qazaqstan» poiyzynyń shtab jetekshisi Ámirjan Álpeiisovtiń aitýynsha, osy kezeńge deiin mamandar 24 myń 500 adamdy qabyldaǵan. Onyń ishinde 4 myń 300 adamǵa meditsinalyq kómek kórsetilgen.
Kámshat QOPAEVA,
jýrnalist,
arnaiy «Egemen Qazaqstan» úshin.
Aqtóbe oblysy
.jpeg)