"Táýelsiz el erteńi – bilimdi urpaq"

Óleńge talasy bar jastardyń qatary kóp. Kóbisi kómeiinen tógilgen tátti áýezdi qaǵazǵa tógip, ómirin óleńge serik etsem deidi. Alaida qara óleńniń qara nary ataný-atanbaýy – ýaqyt enshisindegi dúnie. Jiyn-toilarda uiqasyn keltirip bir-eki aýyz óleń aityp jiberý eki qazaqtyń biriniń qolynan keler sharýa. Sol sebepti de, óleńge áýes jastardyń qarasy az bolmaýy aitpasa da túsinikti.

Shyntýaityna kelsek, kóp ishinen sýyrylyp shyǵyp, «naǵyz aqynǵa» ainalar jastyń sirek bolary ámbege aian. Olai bolsa, ýaqyt súzgisinen ótip, óleńi bolashaqqa bastaityn talantty óskinder óse berse dep tilek aitamyz.

Elbasy Nursultan Ábishulynyń tarihi maqalasynda «Abaidyń danalyǵy, Áýezovtiń ǵulamalyǵy, Jambyldyń jyrlary men Qurmanǵazynyń kúileri, ǵasyrlar qoinaýynan jetken babalar úni» siiaqty «ulttyq salt-dástúrlerimiz, tilimiz ben mýzykamyz, ádebietimiz, joral­ǵylarymyz, bir sózben aitqanda ulttyq rýhymyz boiymyzda máńgi qalýǵa tiis», dep aiqyn kórsetilgen bolatyn.

Endeshe, táýelsizdigimizdiń qadirin jete uǵynǵan, erteńge úmitpen sóz tastaǵan talantty jastarǵa Táńir óz nesibesin molynan bersin dep tileimiz! Qadamyń qutty, qalamyń qýatty bolsyn, jas dos! Iske sát!

Tabiǵat 

Keide oilanyp tabiǵatpen tildesem, 
Kei oilarym tabiǵatpen úndeser. 
Tynysh sátte yńyldap men ándetsem, 
Júregime nurlandyryp gúl kósher. 

Qara jolǵa tyrs-tyrs tamǵan tamshylar, 
Áldenege jylap turǵan baladai. 
Sálden keiin kempirqosaq shyǵady, 
Sol balany jubatatyn anadai. 

Kóktem kelse búrshik atyp aǵashtar, 
Sulýlanar syrǵa taqqan qyzdardai. 
Qys kelgende sol aǵashtar qartaiar, 
Aqjaýlyqty ana – ájim syzǵandai. 

Astanaǵa - 20 jyl 

Esildiń jaǵasynan oryn alǵan, 
Báiterekke shyǵýy kóbine arman. 
Kún nurymen jarqyrap sulýlyǵy, 
Elimniń júregi de, tóri bolǵan. 

Astana mártebesi aspandasyn, 
Ózinen bar igilik bastalǵasyn. 
Jetedi áli talai biigińe, 
Elbasym bar isine bas bolǵasyn. 

Aǵylsyn shet eliń de, arqyrap el, 
Dáýirdiń tolqynynda san tura ber. 
Baitaǵym Saryarqanyń tórindegi, 
Bailyqqa qushaǵyńdy toltyra ber.

Men jastarǵa senemin 

Jas júrek alyp ushyp turǵan shaqta, 
Qan oinap tamyrynda qyzǵan ýaqta. 
Jalyndaǵan jastaryn Alla bergen, 
Qandai bir arman bar ma bul qazaqta?! 

Janǵan ottai mazdaǵan, qazǵan dene, 
Alǵa qarai jyljýda úlken keme. 
Jastary bar jalyndy bul kúnderde, 
Nege ǵana qazaq bop týdym deme! 

Maqtan et, jastary bar órge shapqan, 
Danalar bar laiyqty úlken taqtan. 
Maqtaný bylai tursyn, «shúkir» etkin, 
Dalada óskenińe keń munartqan. 

Keń dala ashyq aidyn kók aspanda, 
Seskenbei ómir súrer bul jastarda. 
Keńdik, teńdik qalady ata-babań, 
«Men senemin, senemin!» – dep jastarǵa. 

Men senemin jalyndaǵan jastarǵa, 
Qazaq rýhyn kóteretin aspanǵa. 
Men senemin qazaq atty myqty elim, 
Óshpek emes tarih penen dastanda! 

Jumabike KÓShEKBAEVA, 
Ál-Farabi atyndaǵy Qazaq ulttyq ýniversiteti, 
Filologiia jáne álem tilderi fakýltetiniń 1-kýrs stýdenti 
Almaty qalasy 

Ustazym Perizat apaiyma 

Anamyzdai bolǵan bizge mektepte, 
Tabylatyn qasymyzdan ár kezde. 
Óz úiimde júrgendei sezinemin, 
Qasymyzda bir ózińiz bar kezde

Júzińizden bar meiirim tógilgen, 
Kózińizden kún shýaǵy kóringen. 
Umytpaimyn ózińizdi eshqashan, 
Jaqsy minez tek ózińnen berilgen. 

Maqtan tutam Ustazymdy árdaiym, 
Ózińizden úlgi alýǵa men daiyn. 
Ustazdardyń ishinde naǵyz Ustaz, 
Ol – súiikti Perizat apaiym! 

Nazerke ERLANQYZY, 

№2 mamandandyrylǵan mektep-internatynyń 
7-synyp oqshysy. 
Shymkent qalasy, 
Túrkistan oblysy 

Táýelsizdik jolynda 

Táýelsizdik degeniń tátti uǵym, 
Tereń oilap túsingiń bárin munyń. 
Jasasyn týǵan elim – Qazaqstan, 
Arsyzdar túsinbeidi munyń qunyn. 

Elim jańa kelbetke ie boldy, 
Táýelsizdik alǵaly dáýlet toldy. 
San jylǵy armany eldiń oryndalyp, 
Eldegi úlken-kishi kóńil toldy. 

Qýatty memleketke el ainaldy, 
Ultymnyń qabileti tez baiqaldy. 
Elimde maqtanarlyq jaǵdailar kóp, 
Baq-dáýleti qazaqtyń tez jaiqaldy. 

Shyǵýda nebir óner sańlaqtary, 
Kúmis kómei, ónerli barmaqtary. 
«Otanym – Qazaqstan» dep kelýde, 
Qandasym atajurtqa jan-jaqtaǵy. 

Táýelsiz el erteńi – bilimdi urpaq, 
Ata-ana da, ustaz da – bári uqpaq. 
Jahandyq bilimge de bet aldy elim, 
Elbasynyń bar sózin ár kez quptap. 

Maqtanyshym – jastarym, ǵalymdarym, 
Elde laýlap ósýde nebir daryn. 
Jalyndy jastar kóptep ósip jatyr, 
El úshin beretuǵyn jalǵyz janyn.