Almatyda taýda joǵalǵan týrist qyzdy izdestirýge Almaty qalalyq qutqarý qyzmetiniń alpinisteri qosyldy, dep habarlaidy "Ult aqparat".
«Izdestirý tobyna 8 alpinist pen 2 kinologiialyq komanda qosyldy. Buǵan qosymsha Qutqarý qyzmetiniń tikushaǵy da kóterildi. Týristi izdestirýge barlyǵy 22 adam men 4 iz kesýshi it jumyldyryldy», - dedi QR IIM TJK Respýblikalyq jedel qutqarý jasaǵynan.
Respýblikalyq jedel qutqarý jasaǵynyń habarlaýynsha, munyń aldynda qyzdyń Kosmostantsiia aýdanynda 9 qarashada saǵat 13:00-der shamasynda taýdan túsip kele jatqanyn kórgen kýágerler bar. Odan keiin politsiia qyzdyń telefony arqyly qalanyń ár buryshynan telefon qońyraýlary jasalǵanyn anyqtady.
Eske salaiyq, boijetkenniń joǵalǵany týraly 10 qarasha kúni belgili boldy. Ol taý týrizmimen ainalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jariialaǵan.
Odan keiin bailanysqa shyqpaǵan. Buǵan deiin júrgizilgen izdestirý jumystary qyzdyń týystarynyń ótinishi boiynsha toqtatylǵan bolatyn.
Biraq keiin Á.Panarǵalievanyń jaqyndary izdestirýdi jalǵastyrýdy qaita surady.
