الماتىدا تاۋدا جوعالعان تۋريست قىزدى ٸزدەستٸرۋگە الماتى قالالىق قۇتقارۋ قىزمەتٸنٸڭ الپينيستەرٸ قوسىلدى, دەپ حابارلايدى "ۇلت اقپارات".
«ٸزدەستٸرۋ توبىنا 8 الپينيست پەن 2 كينولوگييالىق كوماندا قوسىلدى. بۇعان قوسىمشا قۇتقارۋ قىزمەتٸنٸڭ تٸكۇشاعى دا كٶتەرٸلدٸ. تۋريستٸ ٸزدەستٸرۋگە بارلىعى 22 ادام مەن 4 ٸز كەسۋشٸ يت جۇمىلدىرىلدى», - دەدٸ قر ٸٸم تجك رەسپۋبليكالىق جەدەل قۇتقارۋ جاساعىنان.
رەسپۋبليكالىق جەدەل قۇتقارۋ جاساعىنىڭ حابارلاۋىنشا, مۇنىڭ الدىندا قىزدىڭ كوسموستانتسييا اۋدانىندا 9 قاراشادا ساعات 13:00-دەر شاماسىندا تاۋدان تٷسٸپ كەلە جاتقانىن كٶرگەن كۋەگەرلەر بار. ودان كەيٸن پوليتسييا قىزدىڭ تەلەفونى ارقىلى قالانىڭ ەر بۇرىشىنان تەلەفون قوڭىراۋلارى جاسالعانىن انىقتادى.
ەسكە سالايىق, بويجەتكەننٸڭ جوعالعانى تۋرالى 10 قاراشا كٷنٸ بەلگٸلٸ بولدى. ول تاۋ تۋريزمٸمەن اينالىسىپ جٷرگەن. 9 قاراشا ساعات 13:00 شاماسىندا ول ٷلكەن الماتى (جوسالى) كٶلٸندە تٷسكەن فوتوسىن ەلەۋمەتتٸك جەلٸگە جارييالاعان.
ودان كەيٸن بايلانىسقا شىقپاعان. بۇعان دەيٸن جٷرگٸزٸلگەن ٸزدەستٸرۋ جۇمىستارى قىزدىڭ تۋىستارىنىڭ ٶتٸنٸشٸ بويىنشا توقتاتىلعان بولاتىن.
بٸراق كەيٸن ە.پانارعاليەۆانىڭ جاقىندارى ٸزدەستٸرۋدٸ جالعاستىرۋدى قايتا سۇرادى.
