Kóleńkeli ekonomikaǵa qarsy kúresti jáne taýarlar qozǵalysynyń búkil tizbegindegi ashyqtyqty qamtamasyz etý maqsatynda qazirgi ýaqytta taýarlarǵa ilespe júkqujattardy engizý jobasy jasalýda. Pilottyq joba kezinde aiyppuldar men basqa sanktsiialar qoldanylmaidy. Bul týraly Ortalyq kommýnikatsiialar qyzmetinde ótken brifingide QR QM Memlekettik kirister komiteti tóraǵasynyń orynbasary Jaidar Ińkárbaev aitty, dep habarlaidy QazAqparat.
Pilottyq jobanyń mindeti - osy protseske qatysatyn barlyq júielerdi qalpyna keltirý.
«Salyq tóleýshilerdiń kóptegen ótinishteri boiynsha pilot jobanyń merzimi:
aktsizdeletin taýarlar boiynsha - 2021 jylǵy 1 shildege deiin; EAEO-dan ákelinetin/EAEO-ǵa áketiletin taýarlar boiynsha -2021 jylǵy 1 shildege deiin; virtýaldyq qoimanyń taýarlary boiynsha - 2021 jyldyń 1 qarashasyna deiin keiinge shegeriledi. DSU-nyń alý tizbesindegi taýarlar jáne tsifrlyq tańbalaý qoldanatyn taýarlar boiynsha pilottyń bastalý merzimi 2021 jylǵy 1 aqpannan 2021 jylǵy 1 shildege, aiaqtalý merzimi - 2021 jylǵy 1 shildeden 2022 jylǵy 1 aqpanǵa aýystyrylady.
«Memleket basshysynyń keshegi tapsyrmalaryn oryndaý maqsatynda Pilot osy jyldyń 1 qazanyna deiin uzartylady», - deidi Jaidar Ińkárbaev.
Onyń aitýynsha, bólshek saýda dúkender úshin taýarlarǵa ilespe júkqujattardy jazyp, Virtýaldy qoimany júrgizýdiń qajeti joq
«Taýarlardyń bólshek saýdasymen ainalysatyn salyq tóleýshiler úshin (onyń ishinde «úi janyndaǵy dúkender») Taýarlarǵa ilespe júkqujattardy jazyp, Virtýaldy qoimany júrgizýdiń qajeti joq. Olar tek satyp alynǵan alkogol ónimderine jáne temekige arnalǵan TIJ rastaidy. Mundai rásimdi Play MARKET-te qoljetimdi EShF AJ tegin mobildi qosymshasynyń kómegimen júzege asyrýǵa bolady. Qalǵan taýarlar úshin alynǵan ónimdi rastaý qajet emes», - deidi ol.
