كٶلەڭكەلٸ ەكونوميكاعا قارسى كٷرەستٸ جەنە تاۋارلار قوزعالىسىنىڭ بٷكٸل تٸزبەگٸندەگٸ اشىقتىقتى قامتاماسىز ەتۋ ماقساتىندا قازٸرگٸ ۋاقىتتا تاۋارلارعا ٸلەسپە جٷكقۇجاتتاردى ەنگٸزۋ جوباسى جاسالۋدا. پيلوتتىق جوبا كەزٸندە ايىپپۇلدار مەن باسقا سانكتسييالار قولدانىلمايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە قر قم مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى جايدار ٸڭكەرباەۆ ايتتى, دەپ حابارلايدى قازاقپارات.
پيلوتتىق جوبانىڭ مٸندەتٸ - وسى پروتسەسكە قاتىساتىن بارلىق جٷيەلەردٸ قالپىنا كەلتٸرۋ.
«سالىق تٶلەۋشٸلەردٸڭ كٶپتەگەن ٶتٸنٸشتەرٸ بويىنشا پيلوت جوبانىڭ مەرزٸمٸ:
اكتسيزدەلەتٸن تاۋارلار بويىنشا - 2021 جىلعى 1 شٸلدەگە دەيٸن; ەاەو-دان ەكەلٸنەتٸن/ەاەو-عا ەكەتٸلەتٸن تاۋارلار بويىنشا -2021 جىلعى 1 شٸلدەگە دەيٸن; ۆيرتۋالدىق قويمانىڭ تاۋارلارى بويىنشا - 2021 جىلدىڭ 1 قاراشاسىنا دەيٸن كەيٸنگە شەگەرٸلەدٸ. دسۇ-نىڭ الۋ تٸزبەسٸندەگٸ تاۋارلار جەنە تسيفرلىق تاڭبالاۋ قولداناتىن تاۋارلار بويىنشا پيلوتتىڭ باستالۋ مەرزٸمٸ 2021 جىلعى 1 اقپاننان 2021 جىلعى 1 شٸلدەگە, اياقتالۋ مەرزٸمٸ - 2021 جىلعى 1 شٸلدەدەن 2022 جىلعى 1 اقپانعا اۋىستىرىلادى.
«مەملەكەت باسشىسىنىڭ كەشەگٸ تاپسىرمالارىن ورىنداۋ ماقساتىندا پيلوت وسى جىلدىڭ 1 قازانىنا دەيٸن ۇزارتىلادى», - دەيدٸ جايدار ٸڭكەرباەۆ.
ونىڭ ايتۋىنشا, بٶلشەك ساۋدا دٷكەندەر ٷشٸن تاۋارلارعا ٸلەسپە جٷكقۇجاتتاردى جازىپ, ۆيرتۋالدى قويمانى جٷرگٸزۋدٸڭ قاجەتٸ جوق
«تاۋارلاردىڭ بٶلشەك ساۋداسىمەن اينالىساتىن سالىق تٶلەۋشٸلەر ٷشٸن (ونىڭ ٸشٸندە «ٷي جانىنداعى دٷكەندەر») تاۋارلارعا ٸلەسپە جٷكقۇجاتتاردى جازىپ, ۆيرتۋالدى قويمانى جٷرگٸزۋدٸڭ قاجەتٸ جوق. ولار تەك ساتىپ الىنعان الكوگول ٶنٸمدەرٸنە جەنە تەمەكٸگە ارنالعان تٸج راستايدى. مۇنداي رەسٸمدٸ Play MARKET-تە قولجەتٸمدٸ ەشف اج تەگٸن موبيلدٸ قوسىمشاسىنىڭ كٶمەگٸمەن جٷزەگە اسىرۋعا بولادى. قالعان تاۋارلار ٷشٸن الىنعان ٶنٸمدٸ راستاۋ قاجەت ەمەس», - دەيدٸ ول.
