Elimizde taýardy durys deklaratsiialamaǵandarǵa ákimshilik jaýapkershilik kúsheitilmek. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«Memleket basshysynyń transshekaralyq saýdany baqylaýdy kúsheitý jónindegi tapsyrmalary aiasynda taýarlardy durys deklaratsiialamaǵany úshin keden salasyndaǵy ákimshilik jaýapkershilikti kúsheitý usynylady. Bul keden salasyndaǵy quqyq buzýshylyqtardyń sanyn qysqartýǵa múmkindik beredi», - dedi Erulan Jamaýbaev.
Sonymen qatar ol biýdjettiń kirister bóligin ońtailandyrý jáne durys boljaý úshin respýblikalyq biýdjetke korporativtik tabys salyǵyn tóleýshilerdiń tizbesin qalyptastyrý tártibin qaita qaraý boiynsha Biýdjet kodeksine túzetýler engizý usynylatyndyǵyn aitty.
