Jasyratyny joq, qazir álem saiasatyndaǵy ahýal asa jaqsy emes, turaqsyz. Túrli daý týyp, kesirinen kei elderde qaqtyǵystar bolyp jatyr. Al sharasyz halyq panalaityn jer izdeitini anyq. Kórshimiz reseilikterdiń basyna kún týyp, bas saýǵalap elimizge kelýde. Olardy da túsinýge bolady, eń jaqyn jer - Qazaqstan, bizge kelmegende qaida barady. Endi solai bosyp kelip jatqan jurtty ózekten tebý zańdylyq pa?
Órkenietti, qoǵamnyń sanasy jetilgen memleket retinde emotsiiaǵa júginip, ashýmen qadam jasaýǵa bolmaidy. Bárin oi tezinen ótkizip, aqyl men sabyrǵa salyp, ýaqytsha kelgen reseilikterge qamqorlyq kórsetken durys is. Sonymen qatar, olardy baqylaýdyń biryńǵai júiesi de qurylǵany abzal. Azamattardyń qaýipsizdigi úshin muny eskermei ótýge bolmasy daýsyz.
El Prezidenti Qasym-Jomart Toqaev bul máseleni asa saqtyqpen baǵamdaý keregin jetkizdi. Ras, qazir bireýdiń aitaqtaǵany men arandatý sózine erip, otpen oinap, alaýyz bolýǵa bolmaidy.
Qazaqstan - halyqaralyq arenada jaýapkershiligin sezinip, saiasi reformalar arqyly qarqyndy damyp kele jatqan jas memleket. Álemdi aýyzbirshilikke shaqyratyn, ár kez yntymaqtastyqqa umtylatyn el. Halqymyz birlik pen tutastyqty basty kie sanaidy. Sol sebepti búlikke jol berip, qarap otyra almaimyz.
Azamattarymyz qolynan kelgenshe qiynshylyqqa ushyraǵan ózge jurttyń násiline, tiline qaramastan kómek bergeni jón dep oilaimyn. Tatýlyq – memlekettiń irgesin berik ustaityn kieli uǵym. Ony kózdiń qarashyǵyndai saqtap, qasterlep júrsek, bar qiyndyqty eńseremiz.
Ultymyz erteden keleshektiń qamy úshin birlikke umtyldy. Sonyń arqasynda osy kúnge jettik. Halyq birigip, sabaqtastyqty saqtap, júieli áreket etse, memleket múddesin bárinen biik qoisa – yntymaǵy jarasqan berekeli elge ainalamyz. Basymyzǵa túsýi syn-qaterlerden sol arqyly saqtanyp, aldyn alamyz.
Shalatai Myrzahmetov, memleket qairatkeri
