Batys Qazaqstan oblysynda tasyǵan sý respýblikalyq tasjoldy shaiyp ketti, dep habarlaidy QazAqparat.
«QazAvtoJol» málimeti boiynsha oqiǵa 1 sáýir kúni saǵat 17.30-da Samara-Shymkent jolynyń 479-shaqyrymynda Qaratóbe aýdany Qoskól aýyly tusynda boldy.
Kúrt erigen qar sýy avtojoldan asyp ketken.
Atamysh mekeme kúshimen sý tasqynyna qarsy kúres sharalary júrgizildi. «Avtojol jieginiń boiyna qum salynǵan qaptar men eskertý belgileri qoiyldy.
Tiisti tehnikalar tartylyp, táýlik boiy kezekshilik uiymdastyryldy. 2 sáýirde tańǵy saǵat 05.00-de sý tasqyny toqtady, osy tustaǵy qubyr 60 paiyzǵa jumys istep tur. Jaǵdai baqylaýda. Respýblikalyq mańyzy bar Samara-Shymkent tas joly ashyq», dep habarlady vedomstvodan.
BQO TJ departamentiniń baspasóz qyzmeti oqiǵany rastap, qazirgi kezde qalpyna keltirý jumystary júrgizilip jatqanyn jetkizdi. Kólik qozǵalysy toqtaǵan joq.
