Aýstraliiadaǵy Tasmaniia aralynyń batys jaǵalaýynda 270-ke jýyq kit taiaz sýda qalyp qoiǵan. Saldarynan olardyń 90-y óldi, dep habarlaidy euronews.
Ǵalymdar qyrylǵan sútqorekti janýarlardyń sany kóbeietinine alańdap otyr. Jergilikti teńizdegi tabiǵatty qorǵaý qyzmetiniń qutqarýshylary dúisenbi kúni Makkýori múiisinde kitterdiń úsh tobyn anyqtaǵan. 200-ge jýyq kit qumdy, sýy taiaz jerge shyǵyp ketken. Tiri qalǵan kitterdi qutqarý boiynsha kúrdeli operatsiianyń birneshe kúnge sozylatyny kútilip otyr.
Kitterdiń Tasmaniia jaǵalaýyna qalai kelgeni belgisiz. Olardy qutqarý jumystaryna 40 mamannan qurylǵan komanda jumyldyryldy. Aral biligi kómekshileriniń jetkilikti ekenin aityp, jurtshylyqty oqiǵa ornynan alys júrýge shaqyrdy.
