اۋستراليياداعى تاسمانييا ارالىنىڭ باتىس جاعالاۋىندا 270-كە جۋىق كيت تاياز سۋدا قالىپ قويعان. سالدارىنان ولاردىڭ 90-ى ٶلدٸ, دەپ حابارلايدى euronews.
عالىمدار قىرىلعان سٷتقورەكتٸ جانۋارلاردىڭ سانى كٶبەيەتٸنٸنە الاڭداپ وتىر. جەرگٸلٸكتٸ تەڭٸزدەگٸ تابيعاتتى قورعاۋ قىزمەتٸنٸڭ قۇتقارۋشىلارى دٷيسەنبٸ كٷنٸ ماككۋوري مٷيٸسٸندە كيتتەردٸڭ ٷش توبىن انىقتاعان. 200-گە جۋىق كيت قۇمدى, سۋى تاياز جەرگە شىعىپ كەتكەن. تٸرٸ قالعان كيتتەردٸ قۇتقارۋ بويىنشا كٷردەلٸ وپەراتسييانىڭ بٸرنەشە كٷنگە سوزىلاتىنى كٷتٸلٸپ وتىر.
كيتتەردٸڭ تاسمانييا جاعالاۋىنا قالاي كەلگەنٸ بەلگٸسٸز. ولاردى قۇتقارۋ جۇمىستارىنا 40 ماماننان قۇرىلعان كوماندا جۇمىلدىرىلدى. ارال بيلٸگٸ كٶمەكشٸلەرٸنٸڭ جەتكٸلٸكتٸ ەكەنٸن ايتىپ, جۇرتشىلىقتى وقيعا ورنىنان الىس جٷرۋگە شاقىردى.
