QR Premer-Ministriniń orynbasary Imanǵali Tasmaǵambetov Parij qalasynda is-saparmen bolyp, IýNESKO-nyń Bas direktory Irina Bokovamen kezdesti.
Sapar barysynda taraptar Qazaqstan men IýNESKO arasyndaǵy yntymaqtastyqtyń basym baǵyttaryna qatysty birqatar máselelerdi talqylady.
Kezdesý barysynda vitse-premer IýNESKO mandaty jáne jalpy BUU aiasyndaǵy elimizdiń bastamalaryna kórsetken turaqty qoldaýy úshin rizashylyǵyn bildirdi.
Atap aitqanda, IýNESKO Bas konferentsiiasynyń 38-shi sessiiasy barysynda QR Prezidenti Nursultan Nazarbaev IýNESKO-nyń Shtab-páterinde boldy. Onda Memleket basshysy Almaty qalasynda IýNESKO-nyń basshylyǵymen 2-shi sanatty Halyqaralyq mádenietterdi jaqyndastyrý ortalyǵyn qurý bastamasyn usynǵan edi.
I. Tasmaǵambetovtiń aitýynsha, Prezident saparynan keiin osy bastamany júzege asyrý úshin taraptar aitarlyqtai jumystar júrgizdi. Bul ortalyq mádenietter jaqyndasýynyń halyqaralyq onjyldyǵy aiasyndaǵy jobalardy iske asyrýǵa jáne jalpy áleýmettik ǵylymdardyń damýyna qoldaý kórsetedi.
«2016 jylǵy qazan aiynda IýNESKO-nyń Shtab-páterinde Almatynyń 1000 jyldyǵyn merekeleýge arnalǵan is-sharalardy ótkizýde barynsha qoldaý kórsetkenińiz úshin alǵys bildiremin. Qazaqstan úkimeti IýNESKO-men yntymaqtastyq deńgeiin joǵary baǵalaidy jáne uiymnyń quzyryna kiretin barlyq salada birlesken jobalar men is-sharalardy júrgizýge qoldaý kórsetedi», — dedi I. Tasmaǵambetov.
Eske sala keteiik, biyldan bastap Qazaqstan «Batys Tian-Shan» transulttyq nominatsiiasy boiynsha IýNESKO-nyń muralar tizimine endi. Bul turaqty damý jáne biologiialyq áralýandylyqty saqtaý salasynda halyqaralyq yntymaqtastyqty belsendi júrgizýge qosymsha serpin berdi. Alaida, osy baǵyttaǵy jetistikterge qaramastan, yntymaqtastyq aiasynda Talǵar qalashyǵy mańynda jol qurylysyn salýǵa bailanysty problemalyq suraqtar týyndady.
«Qazaqstannyń tarihi nysandy IýNESKO-nyń búkilálemdik muralar tiziminde saqtaý jáne osy uiymnyń talaptaryna sáikes jumys júrgizý maqsatynda osydan birneshe apta buryn el úkimeti «Talǵar» qalashyǵy aýmaǵynda barlyq qurylys jumystaryn toqtatýǵa tapsyrma berdi», — dep atap ótti I. Tasmaǵambetov.
Kezdesý aiasynda Jibek jolynyń alǵashqy Chanan-Tianshan dálizindegi 8 qazaqstandyq eskertkishti IýNESKO-nyń búkilálemdik muralar tiziminde saqtaý jóninde kelisimge qol jetti. Sondai-aq, Qazaqstan vitse-premerine atalǵan nysandy búkilálemdik muralar tizimine qosý týraly sertifikat tapsyryldy.
.jpeg)