Memleket basshysy Qasym-Jomart Toqaevtyń Jarlyǵymen Imanǵali Nurǵaliuly Tasmaǵambetov zeinetkerlik jasqa tolýyna bailanysty Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi qyzmetinen bosatyldy, dep habarlaidy "Ult aqparat" Aqordaǵa silteme jasap.
Imanǵali Tasmaǵambetov 1956 jyly 9 jeltoqsanda Gýrev oblysy, Mahambet aýdany, Novobogat aýylynda dúniege kelgen.
1979 jyly A.S. Pýshkin atyndaǵy Oral pedagogikalyq institýtynyń jaratylystaný-geografiia fakýltetin «Geografiia jáne biologiia pánderiniń muǵalimi» mamandyǵy boiynsha támámdaǵan.
Qazaqstan LKJO OK-niń birinshi hatshysy(1989 j.), QR Jastar isi jónindegi memlekettik komitetiniń tóraǵasy (1991 j.) qyzmetterinde áleýmettik-saiasi ómirde óziniń belsendi pozitsiiasyn kórsetti.
1993 jyldan bastap – QR Prezidentiniń kómekshisi;
1995 jyldan bastap – QR Premer-ministriniń orynbasary;
1997 jyldan bastap – QR Premer-ministriniń orynbasary, QR Bilim jáne mádeniet ministri;
1997 jyldan bastap – QR Prezidentiniń Ákimshiligi Jetekshisiniń orynbasary – QR Prezidenti Ákimshiliginiń uiymdastyrý-baqylaý bóliminiń meńgerýshisi;
1988 jyldan bastap – QR Prezidentiniń Birinshi kómekshisi;
1999 jyldan bastap – Atyraý oblysynyń ákimi;
2000 jyldyń jeltoqsan aiynan bastap – QR Premer-ministriniń orynbasary;
2002 jyldan bastap – QR Premer-ministri;
2003 jyldan bastap – QR Memlekettik hatshysy;
2004 jyly – QR Prezidenti Ákimshiliginiń jetekshisi;
2004 jyldyń jeltoqsan aiynan 2008 jyldyń sáýirine deiin – Almaty qalasynyń ákimi;
2008 jyldyń sáýirinen – 2014 jyldyń qazan aiyna deiin – Astana qalasynyń ákimi;
2014 jyly 22 qazan - QR Qorǵanys ministri;
2016 jyl 13 qyrkúiek - QR Premer-ministriniń orynbasary;
2017 jylǵy 3 aqpannan bastap QR Prezidentiniń Jarlyǵymen Qazaqstan Respýblikasynyń Resei Federatsiiasyndaǵy Elshisi qyzmetine taǵaiyndaldy.
Diplomatiialyq dárejesi – Tótenshe jáne Ókiletti Elshi.
