QR vitse-premeri Imanǵali Tasmaǵambetov dástúrli emes dini aǵymdardyń jeteginde júrgenderdi ońaltýdyń mańyzdy ekenin aitty, - dep habarlaidy "Ult aqparat" úkimet basshysynyń saityna silteme jasap.
VII Azamattyq forým barysynda dini ahýal máselesi de qaraldy. Plenarlyq otyrys barysynda Premer-Ministrdiń orynbasary Imanǵali Tasmaǵambetov dástúrli emes dini aǵymdardyń jeteginde júrgenderdi ońaltý máselesine toqtaldy.
"Deradikalizatsiia - bul memleket pen úkimettik emes uiymdardyń birigip, barynsha kúsh salyp jumys jasaityn salasy. Búginde tek 22 qoǵamdyq uiym din salasynda keńes berý jáne ońaltý kómegin kórsetýmen ainalysady. Bul jalpy ÚEU sanynyń 0,12 paiyzy ǵana. Al, resmi statistika málimeti boiynsha elde 15 myńǵa jýyq adam dini jat aǵymdardy qoldaidy. Buǵan qaramastan, tek tórt oblysta (Astana, Kókshetaý, Qaraǵandy, Taraz) ekiden kóp ortalyq jumys jasaidy, Petropavlda birde-bir ońaltý ortalyǵy joq. Ońtústik Qazaqstan oblysynda úsh myńǵa jýyq tyiym salynǵan dini aǵymdardyń izbasarlary bar. Alaida, atalǵan oblysta tek bir ǵana úkimettik emes uiym ("Nur-Mura" QB) din salasynda keńes berý jáne ońaltý máselesimen ainalysady", - dedi plenarlyq otyrys barysynda vitse-premer I. Tasmaǵambetov.
.jpeg)