Keńes jumysyna Astana qalasynyń ákimi Áset Isekeshev, QR mádeniet jáne sport ministri Arystanbek Mýhamediuly jáne "Astana EKSPO-2017" UK" AQ basqarma tóraǵasynyń birinshi orynbasary Marat Omarov qatysty, dep habarlaidy "Ult aqparat" úkimet basshysynyń saityna silteme jasap.
Astanada ótetin kórmeniń mańyzdylyǵyn aita kele, Imanǵali Tasmaǵambetov EKSPO-2017 kórmesin uiymdastyrý jáne ótkizý táýelsiz Qazaqstannyń barlyq jetistikterin jáne elordanyń kelbetin pash etýi tiis ekendigin basa aitty. Osyǵan orai, sharany ótkizýge jáne qonaqtardy qabyldaýǵa elorda infraqurylymynyń daiyndyǵyn qamtamasyz etý, sondai-aq, kórme qonaqtary jáne qatysýshylarynyń qaýipsizdigi, olardyń qyzyqty ári barynsha jaily ornalasýy úshin búkil sharalar qabyldanýy qajet.
"Memleket basshysynyń tapsyrmasyn sapaly oryndaý maqsatynda Mádeniet jáne sport ministrligine Astana qalasynyń ákimdigimen jáne "Astana EKSPO-2017" UK" AQ birlesip kórme ótetin kezeńdegi mádeni baǵdarlamany uiymdastyrý máseleleri jónindegi úilesimdi jumysty kúsheitý qajet. Sonymen qatar, delegattar men qonaqtardyń kelýi boiynsha uiymdastyrýshylyq suraqtardyń oryndalýyn qamtamasyz etý mańyzdy", - dep erekshe atap ótti Tasmaǵambetov
Eske salaiyq, búgingi tańda QR Mádeniet jáne sport ministrligi Astana qalasynyń ákimdigimen, "Astana EKSPO-2017" UK" AQ birlesip arnaiy keshendi baǵdarlama ázirledi. Ol ártúrli janrlyq baǵyttaǵy mádeni is-sharalar ótkizýdi qarastyrady. Atap aitqanda, qazaqtyń dástúrli ónerin kórsetý, teatrlyq-buqaralyq sharalar, halyqaralyq jobalar, kórmeler, sporttyq jáne aǵartýshylyq-taqyryptyq sharalar.
Vitse-premer atap kórsetkendei, qalalyq qurylymdar aldynda joǵary deńgeide qyzmet kórsetý máselesi tur. Uiymdastyrý jumysy aiasynda EKSPO kórmesi nysandarynyń, jalpy Astana qalasyndaǵy kóliktik infraqurylymnyń qalypty qyzmeti máselesi baiyppen sheshýdi qajet etedi. Kólik-logistikalyq júieni jetildirý, qoǵamdyq kóliktiń baǵdarlyq jelisin ońtailandyrý, kólik aǵymyn basqarýdyń jańa júiesin engizý jumysyna erekshe kóńil bólinýi qajet.
Bul oraida, keńes barysynda vitse-premer birqatar tapsyrmalar berdi. Astana qalasynyń ákimine jumys shtabymen birlesip elordanyń injenerlik-kóliktik infraqurylymyn egjei-tegjeili zerdeleý tapsyryldy. Dálirek aitqanda, joldaǵy júktemeni azaitý maqsatynda kólik aǵymyn modeldeý boiynsha qolaily nusqalardy esepteý, qonaqtardyń kelý jáne olardyń qaýipsiz ornalasýy boiynsha uiymdastyrýshylyq suraqtardy pysyqtaý, sondai-aq, mádeni-buqaralyq is-sharalardyń joǵary deńgeide ótýin qamtamasyz etý.
Osyndai aýqymdy sharany ótkizý shaǵyn jáne orta biznestiń damýyna jáne jańa tehnologiialardy meńgerýge airyqsha serpin beretini anyq. Kórme elordanyń infraqurylymy men nysandarynyń qurylysyna jeke investitsiia tartýǵa yqpal etedi. EKSPO-2017 uzaq merzimdi áleýmettik-ekonomikalyq damýǵa oń áser etetin elimizdiń týristik tartymdylyǵyn kóterýge baǵyttalǵan imidjdik joba.
.jpeg)