Foto: Zakon.kz
Úkimet basshysynyń orynbasary Qanat Bozymbaev depýtattar joldaǵan osy suraqqa jaýap berdi, dep habarlaidy Ulysmedia.kz.
Synamalar neni kórsetti
Bozymbaevtyń jaýabyna sáikes, ýlaný men juqpaly aýrýlardyń aldyn alý úshin epidemiiaǵa qarsy jáne profilaktikalyq is-sharalar júrgizilip jatyr. Sonyń sheńberinde barlyq óńirde ortalyqtandyrylǵan jáne ortalyqtandyrylmaǵan sýmen jabdyqtaý kózderi obektilerine baqylaýdy kúsheitip, sanitariialyq-himiialyq jáne mikrobiologiialyq kórsetkishterge sý synamalaryn irikteý jáne zertteýler qolǵa alynǵan.
– Sý tasqyny bastalǵannan beri eldimekenderdiń sý basqan aimaqtarynda jáne evakýatsiialyq pýnktterde ortalyqtandyrylǵan kózderden 10 180 synama iriktep alyndy. Onyń ishinde gigienalyq normativterge sáikes kelmeitini 670 synama, ortalyqtandyrylmaǵan sý kózderinen 1 363 synama. Onyń ishinde gigienalyq normativterge sáikes kelmeitini 124 synama (sáikes kelmeitin kórsetkishter aýyz sýdyń lastanýynyń janama faktory), – delingen jaýapta.
«Jalpy sáikes kelmeitin synamalar boiynsha kórsetkish 2022 – 2023 jyldardyń qorytyndylary boiynsha ortasha respýblikalyq jyldyq kórsetkishten aspaidy» deidi Úkimet jaýabynda. Sý kórsetkishteri normativke sáikes kelmegen jaǵdaida sý sharýashylyǵy uiymdary sý qubyry jelilerin jýyp, dezinfektsiia jumystaryn júrgizedi.
Virýstar men bakteriialar
Sondai-aq sý basqan aimaqtarda jáne sý aidyndarynda virýstar men bakteriialardyń bolýyna sarqyndy jáne tasqyn sýǵa zerthanalyq baqylaý júrgizilip jatyr. Úkimettiń málimetinshe, búginge deiin 250-den astam synama alynǵan.
– Ruqsat etilgen kórsetkishterden aýytqý anyqtalǵan joq, – delingen jaýapta.
Sý tasqyny bastalǵaly Aqmola, Aqtóbe, Atyraý, Shyǵys Qazaqstan, Qaraǵandy, Qostanai, Batys Qazaqstan, Ulytaý oblystarynda 68 sý kózi jýylyp, dezinfektsiialanǵan. Óńirlerde sý faktoryna bailanysty halyqtyń juqpaly aýrýlarmen syrqattanýshylyǵy jaǵdailary tirkelmegen.
Qazaqstandaǵy sý tasqyny
Eske sala keteiik, biyl birneshe óńirdi sý tasyp, ondaǵan aýdanda tótenshe jaǵdai jariialandy. Sý tasqyny eń úlken qaýip týǵyzyp otyrǵan óńirler qatarynda Atyraý, Batys Qazaqstan, Soltústik Qazaqstan, Qostanai oblystary bar. Reseidiń Or qalasynda dambynyń jarylýy qosymsha qiyndyq týǵyzǵan. Qulsary qalasynda eń kúrdeli jaǵdai tirkelip, adam shyǵyny tirkeldi.
Premer-ministr, shtab jetekshisi osy rette Oljas Bektenov jaýaptylarǵa birqatar tapsyrma bergen.
