29 qarasha kúni Tashkentte Ortalyq Aziia memleket basshylary ekinshi konsýltativtik kezdesý alańynda Ózbekstan Respýblikasynyń Prezidenti Shavkat Mirziioev Qazaqstan Respýblikasynyń Tuńǵysh Prezidenti – Elbasy Nursultan Nazarbaevpen kezdesti, dep habarlaidy Ózbekstan prezidentiniń baspasóz qyzmeti.
Nazarbaev pen Mirzieev OA basshylary ekinshi konsýltativtik kezdesýi aiasynda kelissóz júrgizdi.
Ózbekstan basshysy Nursultan Nazarbaevty Ózbekstan Respýblikasyna kelýimen quttyqtap, Ózbekstannyń aimaq elderi kóshbasshylarynyń kezdesýin ótkizý bastamasyna kórsetken qoldaýy úshin rizashylyǵyn bildirdi.
Sonymen qatar, sońǵy jyldary birlesken kúsh-jigerdiń arqasynda Ózbekstan men Qazaqstan arasyndaǵy dástúrli tyǵyz qarym-qatynastar sapaly jańa deńgeige kóterilip, naqty praktikalyq mazmunǵa toly ekenin atap ótti.
Óz kezeginde, Elbasy Nursultan Nazarbaev Prezident Shavkat Mirziioevtiń bastamasymen alǵash ret 2018 jyly Nur-Sultan qalasynda ótken Ortalyq Aziia memleket basshylarynyń konsýltativtik kezdesýlerin ótkizý - aimaqtaǵy jan-jaqty yntymaqtastyqty odan ári nyǵaityp, ózara árekettesýdiń naqty jobalaryn alǵa jyljytý úshin tiimdi alańǵa ainalǵanyn tilge tiek etti.
Kóshbasshylar kezdesýde ekijaqty qarym-qatynas, kún tártibindegi jahandyq jáne óńirlik ózekti máseleler boiynsha pikir almasty.
Eske salaiyq, keshe QR Tuńǵysh Prezidenti – Elbasy N.Nazarbaev Ortalyq Aziia memleket basshylary ekinshi konsýltativtik kezdesýine qatysý úshin Tashkentke is-saparmen bardy.
