29 قاراشا كٷنٸ تاشكەنتتە ورتالىق ازييا مەملەكەت باسشىلارى ەكٸنشٸ كونسۋلتاتيۆتٸك كەزدەسۋ الاڭىندا ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆپەن كەزدەستٸ, دەپ حابارلايدى ٶزبەكستان پرەزيدەنتٸنٸڭ باسپاسٶز قىزمەتٸ.
نازارباەۆ پەن ميرزيەەۆ وا باسشىلارى ەكٸنشٸ كونسۋلتاتيۆتٸك كەزدەسۋٸ اياسىندا كەلٸسسٶز جٷرگٸزدٸ.
ٶزبەكستان باسشىسى نۇرسۇلتان نازارباەۆتى ٶزبەكستان رەسپۋبليكاسىنا كەلۋٸمەن قۇتتىقتاپ, ٶزبەكستاننىڭ ايماق ەلدەرٸ كٶشباسشىلارىنىڭ كەزدەسۋٸن ٶتكٸزۋ باستاماسىنا كٶرسەتكەن قولداۋى ٷشٸن ريزاشىلىعىن بٸلدٸردٸ.
سونىمەن قاتار, سوڭعى جىلدارى بٸرلەسكەن كٷش-جٸگەردٸڭ ارقاسىندا ٶزبەكستان مەن قازاقستان اراسىنداعى دەستٷرلٸ تىعىز قارىم-قاتىناستار ساپالى جاڭا دەڭگەيگە كٶتەرٸلٸپ, ناقتى پراكتيكالىق مازمۇنعا تولى ەكەنٸن اتاپ ٶتتٸ.
ٶز كەزەگٸندە, ەلباسى نۇرسۇلتان نازارباەۆ پرەزيدەنت شاۆكات ميرزييوەۆتٸڭ باستاماسىمەن العاش رەت 2018 جىلى نۇر-سۇلتان قالاسىندا ٶتكەن ورتالىق ازييا مەملەكەت باسشىلارىنىڭ كونسۋلتاتيۆتٸك كەزدەسۋلەرٸن ٶتكٸزۋ - ايماقتاعى جان-جاقتى ىنتىماقتاستىقتى ودان ەرٸ نىعايتىپ, ٶزارا ەرەكەتتەسۋدٸڭ ناقتى جوبالارىن العا جىلجىتۋ ٷشٸن تيٸمدٸ الاڭعا اينالعانىن تٸلگە تيەك ەتتٸ.
كٶشباسشىلار كەزدەسۋدە ەكٸجاقتى قارىم-قاتىناس, كٷن تەرتٸبٸندەگٸ جاھاندىق جەنە ٶڭٸرلٸك ٶزەكتٸ مەسەلەلەر بويىنشا پٸكٸر الماستى.
ەسكە سالايىق, كەشە قر تۇڭعىش پرەزيدەنتٸ – ەلباسى ن.نازارباەۆ ورتالىق ازييا مەملەكەت باسشىلارى ەكٸنشٸ كونسۋلتاتيۆتٸك كەزدەسۋٸنە قاتىسۋ ٷشٸن تاشكەنتكە ٸس-ساپارمەن باردى.
