Tashkenttiń Iýnýsabad aýdanynda jeke úide birge turǵan úsh ýniversitettiń bes stýdenti qaitys boldy. Olar belgisiz zattan ýlanyp qalǵan, dep habarlady Sputnik Ózbekstannyń bas prokýratýrasyna silteme jasap.
Bes stýdenttiń máiiti 27 aqpanda saǵat 20:50-de tabyldy.
"Sot-meditsinalyq saraptamanyń aldyn ala qorytyndysyna sáikes, stýdentter belgisiz zattan ýlanyp qalǵan", - delingen aqparatta.
Iýnýsabad aýdanynyń prokýratýrasy stýdentterdiń qaitys bolý faktisi boiynsha "birneshe adamnyń ólimine ákep soqqan órt qaýipsizdigi erejelerin buzý" baby boiynsha qylmystyq is qozǵady.
Tergeý Bas prokýratýranyń baqylaýyna alyndy.
Aita keteiik, 27 aqpanda Túrkistan qalasyndaǵy jeke turǵyn úilerdiń birinen áiel men tórt balanyń máiiti tabyldy. 40 jastaǵy áiel jáne onyń 2004, 2006, 2013, 2016 jyly týǵan balalary iis tiip qaitys boldy. Otaǵasy kásipkerlikpen ainalysady, ol emdelý úshin Shymkent qalasyna ketken.
Qaza bolǵandardyń denesi sot-meditsinalyq saraptamadan ótkizilip, týystaryna berildi.
Aldyn ala boljam boiynsha, tragediiaǵa úi ishindegi pesh sebep bolǵan.
