Tashkent zoobaǵynda áiel kishkentai qyzyn aiýdyń volerine laqtyryp jiberdi. Jyrtqysh balaǵa tiisken joq. Qyz bes metr biiktikten qulaǵandyqtan ǵana zardap shekti, dep habarlaidy Sputnik Qazaqstan agenttigi RIA Novosti portalyna silteme jasap.
"Búgin, 28 qańtarda, nege ekeni belgisiz, jas áiel jurttyń kóz aldynda kishkentai qyzyn aiý qamalǵan volerge laqtyryp jiberdi", - delingen zoobaqtyń Telegram-kanalynda.
Baspasóz qyzmetiniń aqparatynsha, Zýzý esimdi kavkazdyq qońyr aiý metall qorshaýdyń ar jaǵynan áieldiń is-qimylyn baqylap turǵan. Sodan keiin aqyryn orǵa túsip, qyzǵa jaqyndap, iiskep, artynan ketip qalǵan.
"Zoobaq qyzmetkerleri aiýdy volerdiń ishki jaǵyna qarai aldap alyp ketti. Qyz bes metrge jýyq biiktikten qulaǵandyqtan ǵana zardap shekti", – dep túsindirdi zoobaqtaǵylar.
Aiý Tashkentke 2017 jyly Baký zoobaǵynan jetkizilgen. Óziniń qylyǵymen, jurtqa ashyqtyǵymen búkil ujymnyń súiikti jyrtqyshyna ainaldy.
"Qazirgi tańda quqyq qorǵaý organdary oqiǵanyń sebepterin tergep jatyr. Bala dárigerlerdiń baqylaýynda. Tashkent zoobaǵy meditsinalyq kómekke jumsalatyn shyǵyndy óz moinyna alady jáne qyzdyń tezirek saýyǵyp ketýin tileidi", - dedi baspasóz qyzmetindegiler.
