تاشكەنت زووباعىندا ەيەل كٸشكەنتاي قىزىن ايۋدىڭ ۆولەرٸنە لاقتىرىپ جٸبەردٸ. جىرتقىش بالاعا تيٸسكەن جوق. قىز بەس مەتر بيٸكتٸكتەن قۇلاعاندىقتان عانا زارداپ شەكتٸ, دەپ حابارلايدى Sputnik قازاقستان اگەنتتٸگٸ ريا نوۆوستي پورتالىنا سٸلتەمە جاساپ.
"بٷگٸن, 28 قاڭتاردا, نەگە ەكەنٸ بەلگٸسٸز, جاس ەيەل جۇرتتىڭ كٶز الدىندا كٸشكەنتاي قىزىن ايۋ قامالعان ۆولەرگە لاقتىرىپ جٸبەردٸ", - دەلٸنگەن زووباقتىڭ Telegram-كانالىندا.
باسپاسٶز قىزمەتٸنٸڭ اقپاراتىنشا, زۋزۋ ەسٸمدٸ كاۆكازدىق قوڭىر ايۋ مەتالل قورشاۋدىڭ ار جاعىنان ەيەلدٸڭ ٸس-قيمىلىن باقىلاپ تۇرعان. سودان كەيٸن اقىرىن ورعا تٷسٸپ, قىزعا جاقىنداپ, يٸسكەپ, ارتىنان كەتٸپ قالعان.
"زووباق قىزمەتكەرلەرٸ ايۋدى ۆولەردٸڭ ٸشكٸ جاعىنا قاراي الداپ الىپ كەتتٸ. قىز بەس مەترگە جۋىق بيٸكتٸكتەن قۇلاعاندىقتان عانا زارداپ شەكتٸ", – دەپ تٷسٸندٸردٸ زووباقتاعىلار.
ايۋ تاشكەنتكە 2017 جىلى باكۋ زووباعىنان جەتكٸزٸلگەن. ٶزٸنٸڭ قىلىعىمەن, جۇرتقا اشىقتىعىمەن بٷكٸل ۇجىمنىڭ سٷيٸكتٸ جىرتقىشىنا اينالدى.
"قازٸرگٸ تاڭدا قۇقىق قورعاۋ ورگاندارى وقيعانىڭ سەبەپتەرٸن تەرگەپ جاتىر. بالا دەرٸگەرلەردٸڭ باقىلاۋىندا. تاشكەنت زووباعى مەديتسينالىق كٶمەككە جۇمسالاتىن شىعىندى ٶز موينىنا الادى جەنە قىزدىڭ تەزٸرەك ساۋىعىپ كەتۋٸن تٸلەيدٸ", - دەدٸ باسپاسٶز قىزمەتٸندەگٸلەر.
