Qonaev qalasynda elimizde alǵash ret týrnikke tartylýdan ótken sport sharasy máresine jetti, dep habarlaidy QazAqparat.
Bastaýyn Qonaevtan alǵan sport básekesine 180 adam qatysty.
Qatysýshylar jasy men salmaǵyna qarai 9 sanat boiynsha týrnikke tartylýdan baq synasty.
Jarys nátijesinde 27 áýesqoi sportshy jeńimpaz atandy. Al absoliýtti jeńimpaz - Ramil Abzilov. Chempion toqtamastan 37 ret týrnikke tartyldy.
Aita ketsek, atalǵan óńir boiynsha jalpy júlde qory - 3 400 000 teńge.
Onyń ishinde 1 oryn úshin 200 myń teńge, ekinshi orynǵa 100 myń teńge jáne 3 oryn iesine 50 myń teńge tabystaldy.
Negizgi júldelerden bólek, 81 jastaǵy Qonaev qalasynyń turǵyny Valerii Iýrihin men 76 jastaǵy Býlar Mirmanov týrnikke tartylýdan «Ardager sportshy» atty arnaiy júldege ie boldy.
Sondai-aq, aitýly saiysqa qatysqan jalǵyz qyz Jibek Qulymbetova «Er minezdi qaryndas» nominatsiiasyn ielendi. Al 13 jasar Ánýarbek Ámirhan týrnikke tartylýdan eń jas sportshy atandy.
