Kúshtik qurylymdar men azamattyq qorǵaý organdarynyń qyzmetkerlerine tiisti memlekettik qoldaý kórsetiletin bolady. Bul týraly Úkimet otyrysynda Premer-Ministr Álihan Smaiylov málim etti, dep habarlaidy QazAqparat.
«Memleket basshysy Úkimetke Áleýmettik-ekonomikalyq jaǵdaidy turaqtandyrý jónindegi Jedel is-qimyl josparyn ázirlep, qabyldaýdy tapsyrdy. Jospardyń jobasynda qaýipsizdikke, azamattar men biznes sýbektilerin jan-jaqty qoldaýǵa jáne eldegi áleýmettik-ekonomikalyq jaǵdaidy tez arada turaqtandyrýǵa arnalǵan birqatar shuǵyl ári qysqa merzimdi sharalar qamtylǵan. Jospardy iske asyrý barysynda, birinshi kezekte, qaza tapqan azamattardyń otbasylary men zardap shekkenderge kómek kórsetiledi. Sondai-aq kúshtik qurylymdar men azamattyq qorǵaý organdarynyń qyzmetkerlerine de tiisti memlekettik qoldaý kórsetiletin bolady», - dedi Smaiylov.
Osy oraida Úkimet basshysy jospardaǵy Ishki ister ministrligine qatysty tarmaqtardyń barlyǵy óte mańyzdy ári olar sapaly jáne jedel oryndalýy tiis.
«Jappai tártipsizdikter saldarynan zardap shekken azamattar men zańdy tulǵalardyń banktik qaryzdary men mikrokreditterin óteý merzimi tótenshe jaǵdai aiaqtalǵansha shegerildi», - dedi Premer-Ministr.
