© Sputnik
Shaǵyn jáne orta biznes sýbektilerine keltirilgen zalaldy óteýge arnalǵan ótinimderdi qaraý jónindegi óńirlik komissiialar kásipkerlerden túsken ótinimderdi belsendi túrde qarap jatyr. Bul týraly Úkimettiń resmi saity habarlady.
31 qańtardaǵy jaǵdai boiynsha «InfoKazakhstan.kz» elektrondyq platformasy arqyly Almaty, Shymkent qalalarynan, Almaty, Jambyl, Shyǵys Qazaqstan, Aqtóbe jáne Batys Qazaqstan oblystarynan zalaldy óteýge 2000-nan astam ótinim berildi.
Zalaldy óteý tetigi ótinimderdi ońailatylǵan tártip boiynsha jáne sot saraptamasynyń qorytyndylary negizinde ótinish berýshiniń qalaýy boiynsha qaraýdy kózdeidi.
Almaty qalasynda saraptamalardy jedel júrgizý úshin 33 sarapshy jumys isteidi, 68 sot sarapshysynan turatyn qosymsha rezerv quryldy. Óńirlik komissiialardyń jumysy aiasynda oń sheshimder qabyldandy, alǵashqy ótemaqylar ótinish bildirgen biznesmenderdiń esep shottaryna aýdaryldy.
Máselen, Almaty qalasynda 17 kásipker jalpy somasy 33 mln teńgege tólem aldy. Úkimet biznestiń qyzmetin qalpyna keltirý maqsatynda olarǵa keltirilgen zalaldy jedel óteý jónindegi jumysty odan ári jalǵastyrady.
