Alakól aýdanynyń tártip saqshylary kól jaǵasynda qyzmet kórsetetin gidrotsikl ielerimen profilaktikalyq túsindirý jumystaryn júrgizdi, dep habarlaidy «Ult aqparat» Almaty oblysy politsiia departamentiniń baspasóz qyzmetine silteme jasap.
«Sońǵy jańalyqtardan qaiǵyly oqiǵanyń oryn alǵany bárimizge málim. Atalǵan keleńsiz jaittyń qaitalanbaýy jáne onyń aldyn alý maqsatynda biz kól jaǵasynda qyzmet kórsetetin gidrotsikl ielerimen túsindirý jumystaryn júrgizdik. Sý kóligin júrgizý kezinde qoldanylatyn qaýipsizdik sharalaryn qatań saqtaý boiynsha nusqaý berdik. Mundai kólikti basqarýda keibir absoliýtti erejeler bar, olardy saqtaý azamattardyń qaýipsizdigin qamtamasyz ete alady», – dedi Alakól APB bastyǵy Qýat Ospanov.
Buǵan tártip saqshylarymen qatar tótenshe jaǵdai qyzmeti de tartyldy. Is-shara barysynda kól jaǵasynda qyzmet kórsetetin barlyq gidrotsikl ieleri qamtyldy.
«Sýǵa shomylý maýsymynda barlyq azamattardy qaýipsizdik sharalaryn qatań saqtaýǵa shaqyramyz. Biz saqtyq sharalaryn saqtasaq qana qaiǵyly oqiǵalardyń aldyn ala alamyz», – dep tolyqtyrdy podpolkovnik Qýat Ospanov.
