Qazaqqa qatysty tyń málimetter sheteldik arhivterde jatyr. Bul týraly Elbasynyń «Uly dalanyń jeti qyry» atty maqalasyna orai pikir bildirgen Memlekettik tarih institýtynyń bas ǵylymi qyzmetkeri Ǵani Qarasaev aitty, dep habarlaidy QazAqparat tilshisi.
«Qazaqstandaǵy barlyq arhivti qarap shyqtyq, onda aitarlyqtai derek joq. Úlken málimetter Reseidiń Sankt-Peterbor, Máskeý, Omby jáne shetel arhivterinde jatyr. Biraq, olar jabyq, barsańyz bermeidi. Olarda qazaqtyń otarshylyq zardabyn tartqany jóninde derekter mol. Sankt-Peterbor arhivinde úsh ai jumys istep, biraz málimet ákeldim. Alaida, onda imperatorlyq degen bólim bar, óte qupiia. Oǵan kirgizbeidi. Sondaǵy málimetterdi alýymyz kerek», - deidi tarihshy.
Onyń aitýynsha, Túrkiia muraǵattarynda qazaqqa qatysty derekter tym az. Olar ózderinde bar Qazaq handyǵy men Osman imperiiasy arasyndaǵy bailanystarǵa qatysty arhiv qujattaryn Qazaqstan tarapyna bergen.
«Al qytai arhivterinde ǵun, saq, úisin, qańly, Túrki qaǵanaty týraly málimetter óte kóp. Ony alý úshin kelisim kerek, sondai-aq til bilýimiz qajet. Elbasymyzdyń «Arhiv-2025» jobasy aiasynda osy málimetterdi tez arada alǵanymyz jón. Osyǵan jumyla kirisip, asyra maqtai bermei shyndyqty jazýymyz kerek. Sonda qazaq halqynyń álemdik orny aiqyndala túsedi dep oilaimyn», - dedi ǵalym.
.jpeg)