قازاققا قاتىستى تىڭ مەلٸمەتتەر شەتەلدٸك ارحيۆتەردە جاتىر. بۇل تۋرالى ەلباسىنىڭ «ۇلى دالانىڭ جەتٸ قىرى» اتتى ماقالاسىنا وراي پٸكٸر بٸلدٸرگەن مەملەكەتتٸك تاريح ينستيتۋتىنىڭ باس عىلىمي قىزمەتكەرٸ عاني قاراساەۆ ايتتى, دەپ حابارلايدى قازاقپارات تٸلشٸسٸ.
«قازاقستانداعى بارلىق ارحيۆتٸ قاراپ شىقتىق, وندا ايتارلىقتاي دەرەك جوق. ٷلكەن مەلٸمەتتەر رەسەيدٸڭ سانكت-پەتەربور, مەسكەۋ, ومبى جەنە شەتەل ارحيۆتەرٸندە جاتىر. بٸراق, ولار جابىق, بارساڭىز بەرمەيدٸ. ولاردا قازاقتىڭ وتارشىلىق زاردابىن تارتقانى جٶنٸندە دەرەكتەر مول. سانكت-پەتەربور ارحيۆٸندە ٷش اي جۇمىس ٸستەپ, بٸراز مەلٸمەت ەكەلدٸم. الايدا, وندا يمپەراتورلىق دەگەن بٶلٸم بار, ٶتە قۇپييا. وعان كٸرگٸزبەيدٸ. سونداعى مەلٸمەتتەردٸ الۋىمىز كەرەك», - دەيدٸ تاريحشى.
ونىڭ ايتۋىنشا, تٷركييا مۇراعاتتارىندا قازاققا قاتىستى دەرەكتەر تىم از. ولار ٶزدەرٸندە بار قازاق حاندىعى مەن وسمان يمپەريياسى اراسىنداعى بايلانىستارعا قاتىستى ارحيۆ قۇجاتتارىن قازاقستان تاراپىنا بەرگەن.
«ال قىتاي ارحيۆتەرٸندە عۇن, ساق, ٷيسٸن, قاڭلى, تٷركٸ قاعاناتى تۋرالى مەلٸمەتتەر ٶتە كٶپ. ونى الۋ ٷشٸن كەلٸسٸم كەرەك, سونداي-اق تٸل بٸلۋٸمٸز قاجەت. ەلباسىمىزدىڭ «ارحيۆ-2025» جوباسى اياسىندا وسى مەلٸمەتتەردٸ تەز ارادا العانىمىز جٶن. وسىعان جۇمىلا كٸرٸسٸپ, اسىرا ماقتاي بەرمەي شىندىقتى جازۋىمىز كەرەك. سوندا قازاق حالقىنىڭ ەلەمدٸك ورنى ايقىندالا تٷسەدٸ دەپ ويلايمىن», - دەدٸ عالىم.
.jpeg)