Astana men Almatyda saýalnamaǵa qatysqan 500 adamnyń kóbisi Memlekettik Eltańbany tanymady dep estip jatyrmyz. Buǵan ne aitýǵa bolady? Bas shaiqaýdan basqa amal joq. Eltańbany bilý qazir balabaqshadan, mektepten bastalady. Bastaýysh synyptaǵy oqýshy rámizderdiń avtoryn biledi, sýretin salady.
Al saýalnamaǵa qatysqan jandarǵa kelsek, bilip tursa da tanymadym degen qyrsyqtyq, ádeii qasaqana istelgen áreket te bolýy múmkin dep oilaimyn. Qazaqstannyń Memlekettik Eltańbasyn tanymaǵanyń, elińdi, tarihyńdy moiyndamaǵanyń degen sóz. Saýalnamaǵa qatysqandardyń 30 paiyzy ǵana durys tapqan. Osyndai deńgeiimizdi kórsetip, ashyp bergen «Jańa adamdar» qozǵalysyna rahmet aitýymyz kerek shyǵar. Degenmen, bul saýalnama belgili bir naqty qorytyndy jasaýǵa azdyq etedi. Sebebi, oǵan qatysqan 500 adamnyń kim ekenin tolyq bilmeimiz ǵoi. Bálkim, joǵaryda aitqanymdai, bizdiń Táýelsizdigimizge qarsy, qaraý niettegi jandar bar shyǵar ishinde, kim bilsin? Sondyqtan, bul taqyrypty áli de qoǵam talqysyna salyp, pysyqtai túsý kerek.
Iaǵni, bizdiń qai baǵytta jumys júrgizýimiz osydan-aq kórinip tur ǵoi. Memleket degen tek qana bilik ideologiiasy emes, halyqtyń ideialyq birtutastyǵy. Sondyqtan biz aldymen ózimizdi ózimiz tanyp, ózimizge ózimiz baǵa berýimiz kerek.
Ulttyń bolashaǵy – onyń tarihi sanasynyń durys qalyptasýyna tikelei táýeldi. Ótkendi durys bilmeý – tutas ultty adastyratyn faktor ekeni sózsiz. Bizdiń Eltańbamyzdyń boiynda tutas tarihymyz beinelengen, ondaǵy ár detaldyń simvoldyq máni joǵary. Ony ár azamat urpaǵyna uqtyryp, túsindirýi qajet.
Tól tarihymyzdy tolyqtai túsine otyryp, tarihi sananyń jańǵyrýyna, barsha qazaqstandyq atsalysqany jón. Memlekettik Eltańba, jalpy barlyq rámizderdi qurmettep, onyń mazmunyna úńilip, tani túsýimiz kerek.
