Foto: Gov.kz
Mádeniet jáne aqparat ministrligi tarihi teatrlardy qalpyna keltirý jáne jańǵyrtý boiynsha aýqymdy jumystardy jalǵastyrýda, dep habarlaidy Ult.kz.
Sonyń ishinde Muhtar Áýezov atyndaǵy Qazaq ulttyq drama teatry da bar. Teatr ǵimaraty salynǵannan beri kúrdeli jóndeýden ótpegen. Injenerlik jelileri men materialdyq-tehnikalyq bazasy tozǵandyqtan órt qaýpi joǵary. Ǵimarat rekonstrýktsiiasy teatrdyń tarihi kelbetin saqtai otyryp júrgiziledi. Óitkeni ǵimarat jergilikti mańyzy bar mádeni eskertkish mártebesine ie.
Foto: Gov.kz
Sonymen qatar, demeýshiler qarajatymen Abai atyndaǵy Qazaq ulttyq opera jáne balet teatry ǵimaratynda ishki jóndeý jumystary júrgizilýde. Qazirdiń ózinde jeti bólme, onyń ishinde orkestr men hor zaldary, mýzei, grim bólmeleri, qabyldaý zaly jáne t.b. jańartyldy.
Nataliia Sats atyndaǵy memlekettik akademiialyq orys balalar men jasóspirimder teatrynda da kóp ózgeris bolady. Ǵimarattyń kúrdeli jóndeý boiynsha jobalyq-smetalyq qujattamasy memlekettik saraptamadan ótip jatyr.
Respýblikalyq akademiialyq nemis drama teatry da nazardan tys qalmaidy. Burynǵy kinoteatr ǵimaratynda ornalasqan teatrdy jóndeý jáne gazdandyrý máselesi Ulttyq ekonomika ministrliginiń qaraýynda tur.
Foto: Gov.kz
Ministrlik sonymen qatar 2025 jyly Ǵabit Músirepov atyndaǵy Qazaq memlekettik akademiialyq balalar men jasóspirimder teatrynyń ǵimaratyna saraptama júrgizýdi josparlap otyr. Saraptama barysynda onyń kúrdeli jóndeý jumystary boiynsha aldaǵy jumys kólemi anyqtalady.
Aita ketý kerek, 2020 jyly elimizdiń mádeni murasyn qoldaýdaǵy mańyzdy qadam –Q.Qojamiiarov atyndaǵy Respýblikalyq memlekettik akademiialyq uiǵyr mýzykalyq komediia teatrynyń kúrdeli jóndeý jumystarynyń aiaqtalýy.
