فوتو: Gov.kz
مەدەنيەت جەنە اقپارات مينيسترلٸگٸ تاريحي تەاترلاردى قالپىنا كەلتٸرۋ جەنە جاڭعىرتۋ بويىنشا اۋقىمدى جۇمىستاردى جالعاستىرۋدا, دەپ حابارلايدى Ult.kz.
سونىڭ ٸشٸندە مۇحتار ەۋەزوۆ اتىنداعى قازاق ۇلتتىق دراما تەاترى دا بار. تەاتر عيماراتى سالىنعاننان بەرٸ كٷردەلٸ جٶندەۋدەن ٶتپەگەن. ينجەنەرلٸك جەلٸلەرٸ مەن ماتەريالدىق-تەحنيكالىق بازاسى توزعاندىقتان ٶرت قاۋپٸ جوعارى. عيمارات رەكونسترۋكتسيياسى تەاتردىڭ تاريحي كەلبەتٸن ساقتاي وتىرىپ جٷرگٸزٸلەدٸ. ٶيتكەنٸ عيمارات جەرگٸلٸكتٸ ماڭىزى بار مەدەني ەسكەرتكٸش مەرتەبەسٸنە يە.
فوتو: Gov.kz
سونىمەن قاتار, دەمەۋشٸلەر قاراجاتىمەن اباي اتىنداعى قازاق ۇلتتىق وپەرا جەنە بالەت تەاترى عيماراتىندا ٸشكٸ جٶندەۋ جۇمىستارى جٷرگٸزٸلۋدە. قازٸردٸڭ ٶزٸندە جەتٸ بٶلمە, ونىڭ ٸشٸندە وركەستر مەن حور زالدارى, مۋزەي, گريم بٶلمەلەرٸ, قابىلداۋ زالى جەنە ت.ب. جاڭارتىلدى.
ناتالييا ساتس اتىنداعى مەملەكەتتٸك اكادەمييالىق ورىس بالالار مەن جاسٶسپٸرٸمدەر تەاترىندا دا كٶپ ٶزگەرٸس بولادى. عيماراتتىڭ كٷردەلٸ جٶندەۋ بويىنشا جوبالىق-سمەتالىق قۇجاتتاماسى مەملەكەتتٸك ساراپتامادان ٶتٸپ جاتىر.
رەسپۋبليكالىق اكادەمييالىق نەمٸس دراما تەاترى دا نازاردان تىس قالمايدى. بۇرىنعى كينوتەاتر عيماراتىندا ورنالاسقان تەاتردى جٶندەۋ جەنە گازداندىرۋ مەسەلەسٸ ۇلتتىق ەكونوميكا مينيسترلٸگٸنٸڭ قاراۋىندا تۇر.
فوتو: Gov.kz
مينيسترلٸك سونىمەن قاتار 2025 جىلى عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىنىڭ عيماراتىنا ساراپتاما جٷرگٸزۋدٸ جوسپارلاپ وتىر. ساراپتاما بارىسىندا ونىڭ كٷردەلٸ جٶندەۋ جۇمىستارى بويىنشا الداعى جۇمىس كٶلەمٸ انىقتالادى.
ايتا كەتۋ كەرەك, 2020 جىلى ەلٸمٸزدٸڭ مەدەني مۇراسىن قولداۋداعى ماڭىزدى قادام –ق.قوجاميياروۆ اتىنداعى رەسپۋبليكالىق مەملەكەتتٸك اكادەمييالىق ۇيعىر مۋزىكالىق كومەدييا تەاترىنىڭ كٷردەلٸ جٶندەۋ جۇمىستارىنىڭ اياقتالۋى.
