Foto: UOK
Memleket basshysy taekvondodan Álem chempiony Beibarys Qabylandyny quttyqtady, dep habarlaidy Ult.kz.
Prezident Qasym-Jomart Toqaev Keniiada ótken 21 jasqa deiingi jastar arasyndaǵy Álem chempionatynda tarihi jeńisge jetken Beibarys Qabylandyǵa quttyqtaý joldady.
– Beibarys Qabylandy taekvondodan 21 jasqa deiingi jastar arasynda Álem chempiony atanýymen quttyqtaimyn! Ol Keniiada ótken bairaqty básekede elimizdiń mereiin ústem etip, Qazaqstan tarihynda taekvondodan alǵashqy altyn júldeni jeńip aldy. Sportshynyń alar asýy, baǵyndyrar biigi kóp bolýyna tilektespin, – dep jazylǵan quttyqtaý sózinde.
Aita keteiik, qazaqstandyq Beibarys Qabylan taekvondodan Nairobide (Keniia) ótip jatqan jastar arasyndaǵy álem chempionatynyń altyn júldegeri atandy. Jerlesimiz 87 keliden joǵary salmaqta el namysyn qorǵady. Beibarys finalda Ońtústik Koreia sportshysy Ian Chjýniondy senimdi túrde jeńdi. Osylaisha, Qazaqstan jastar quramasy álem chempionatynda alǵashqy medalin jeńip aldy.
