Foto: politico.kz
Taiaýda Qazaqstannyń uialy telefon operatorlary – Altel, Tele2 i Beeline uialy telefonnyń abonent tólemin 20-paiyzǵa ósiretindigin málimdedi. Iaǵni, atalǵan operatorlar internettiń de tarifin 20-paiyzǵa ósiretinin málimdedi. Osyǵan bailanysty Májilis depýtaty Janarbek Áshimjanov bul halyqtyń qaltasyna aýyr tietinin aitty. Ol halyqtyń basym bóligi uiaty telefon paidalanǵandyqtan aqparat shyqqaly elimizdiń ár óńirinen sailaýshylar habarlasyp, áleýmettik jelilerde, qabyldaý bólmelerinde ózderiniń shaǵymdaryn bildirip jatqanyn jetkizdi, dep habarlaidy Ult.kz.
Foto: Májilis
QR Premer-Ministri O.A.Bektenov pen Básekelestikti qorǵaý jáne damytý Agenttiginiń Tóraǵasy M. Omarovqa joldaǵan depýtatyq saýalynda ol eldegi teloperatorlardyń bul qadamy – milliondaǵan qazaqstandyqtyń qaltasyna salmaq salatyn sheshim ekenin aitty. Óitkeni, búginde telefon men internet – halyqtyń aqparatqa qoly jetkizýi, jumyspen qamtylýy, kásipkerlik júrgizýi, balanyń bilim alýy, memleketpen bailanys ornatýy úshin eń mańyzdy qural. Iaǵni tariftiń kóterilýi qarapaiym otbasylardyń biýdjetine ǵana emes, olardyń ómir súrý sapasyna qol suǵý dep baǵalaýǵa týra keledi.
"Eń qyzyǵy – úsh iri operatordyń tarifterdi birdei kólemde, bir ýaqytta qymbattatýy qoǵamda úlken kúmán týdyrýda. Bul — kompaniialar arasyndaǵy básekeniń emes, ózara kelisimniń, úilesimniń, astyrtyn aqyldasýdyń belgisi emes pe? «Baital túgil bas qaiǵy» degendei, osyndai qadamdardan keiin «Qoljetimdi internet» Ulttyq jobasyn oilaýdyń ózi muń bolyp qaldy...", - dedi ol.
Depýtat bul qarapaiym tutynýshylardyń quqyǵyn taptaý dep esepteidi.Sebebi: baǵa ósedi, biraq naryqta balama operator joq, iaǵni tutynýshy tańdaý múmkindiginen aiyrylady. Nátijesinde, abonentterge bajsyz (jai ǵana baǵany kelisip kóterý arqyly) joǵary aqy tóleý mindetteledi.
2023 jyldan beri bailanys tarifteri 7–57paiyz aralyǵynda qymbattapty. Qazaqstanda 26,3 million mobildi jazylym bar – bul halyq sanynan da kóp. 18,8 million azamat mobildi internetke táýeldi.
Dál qazir qoǵamda operatorlar naryqtaǵy óziniń ústemdigin paidalana otyryp, monopoliialyq kelisim jasaýy yqtimal degen pikir órttei qaýlap tur", - degen Áshimjanov AMANAT Fraktsiiasy Agenttik kelesi qadamdardy jasaý qajet dep esepteitinin aitty:
1. Internetti jetkizý, taratý sektorlaryn monopoliialyq kelisim faktileri baǵytynda keshendi tekserý júrgizý qajet.
2. Úkimet uialy bailanys naryǵyn monopoliiadan aryltý sharalaryn qolǵa alýy kerek. Bul rette, memleketiń qaýipsizdigi men tutynýshylar múddesi birinshi kezekte eskerilýi tiis.
3. Uialy bailanys pen internet sapasyn arttyrý úshin múldem mobildi interneti joq aýyldaǵa jelini jetkizý
boiynsha naqty jol kartasyn daiarlaý.
4. Atalǵan kompaniialar ózderiniń uialy telefon internet naryǵyndaǵy ústem jaǵdaiyn paidalan otyryp, ózara baǵa jónindegi kelisimniń bar-joqtyǵyn anyqtaý kerek.
5. Atalǵan kompaniialar uialy telefon, internet naryǵyna zańsyz erekshe quqyqa ie. Bul erekshe quqyqty buzý úshin osy naryqtaǵy naryǵyna basqa qatysýshylardy engizý qajet, iaǵni básekelestikti arttyrý kerek.
Atalǵan sharalar Prezident Toqaev atap ótkendei «baǵany turaqtandyrýdyń» basty faktory bolady.
"Bul tsifrlar — mobildi bailanys qazir jai qyzmet emes, eldiń tsifrlyq tutastyǵyn ustap turǵan strategiialyq resýrs ekenin dáleldeidi. Iaǵni baǵanyń turaqsyzdyǵy — ekonomikalyq qana emes, asa úlken áleýmettik qaýiptiń de belgisi", - dep otyr depýtat.
