فوتو: politico.kz
تاياۋدا قازاقستاننىڭ ۇيالى تەلەفون وپەراتورلارى – Altel, Tele2 ي Beeline ۇيالى تەلەفوننىڭ ابونەنت تٶلەمٸن 20-پايىزعا ٶسٸرەتٸندٸگٸن مەلٸمدەدٸ. ياعني, اتالعان وپەراتورلار ينتەرنەتتٸڭ دە تاريفٸن 20-پايىزعا ٶسٸرەتٸنٸن مەلٸمدەدٸ. وسىعان بايلانىستى مەجٸلٸس دەپۋتاتى جاناربەك ەشٸمجانوۆ بۇل حالىقتىڭ قالتاسىنا اۋىر تيەتٸنٸن ايتتى. ول حالىقتىڭ باسىم بٶلٸگٸ ۇياتى تەلەفون پايدالانعاندىقتان اقپارات شىققالى ەلٸمٸزدٸڭ ەر ٶڭٸرٸنەن سايلاۋشىلار حابارلاسىپ, ەلەۋمەتتٸك جەلٸلەردە, قابىلداۋ بٶلمەلەرٸندە ٶزدەرٸنٸڭ شاعىمدارىن بٸلدٸرٸپ جاتقانىن جەتكٸزدٸ, دەپ حابارلايدى Ult.kz.
فوتو: مەجٸلٸس
قر پرەمەر-مينيسترٸ و.ا.بەكتەنوۆ پەن بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى م. وماروۆقا جولداعان دەپۋتاتىق ساۋالىندا ول ەلدەگٸ تەلوپەراتورلاردىڭ بۇل قادامى – ميلليونداعان قازاقستاندىقتىڭ قالتاسىنا سالماق سالاتىن شەشٸم ەكەنٸن ايتتى. ٶيتكەنٸ, بٷگٸندە تەلەفون مەن ينتەرنەت – حالىقتىڭ اقپاراتقا قولى جەتكٸزۋٸ, جۇمىسپەن قامتىلۋى, كەسٸپكەرلٸك جٷرگٸزۋٸ, بالانىڭ بٸلٸم الۋى, مەملەكەتپەن بايلانىس ورناتۋى ٷشٸن ەڭ ماڭىزدى قۇرال. ياعني تاريفتٸڭ كٶتەرٸلۋٸ قاراپايىم وتباسىلاردىڭ بيۋدجەتٸنە عانا ەمەس, ولاردىڭ ٶمٸر سٷرۋ ساپاسىنا قول سۇعۋ دەپ باعالاۋعا تۋرا كەلەدٸ.
"ەڭ قىزىعى – ٷش ٸرٸ وپەراتوردىڭ تاريفتەردٸ بٸردەي كٶلەمدە, بٸر ۋاقىتتا قىمباتتاتۋى قوعامدا ٷلكەن كٷمەن تۋدىرۋدا. بۇل — كومپانييالار اراسىنداعى بەسەكەنٸڭ ەمەس, ٶزارا كەلٸسٸمنٸڭ, ٷيلەسٸمنٸڭ, استىرتىن اقىلداسۋدىڭ بەلگٸسٸ ەمەس پە? «بايتال تٷگٸل باس قايعى» دەگەندەي, وسىنداي قادامداردان كەيٸن «قولجەتٸمدٸ ينتەرنەت» ۇلتتىق جوباسىن ويلاۋدىڭ ٶزٸ مۇڭ بولىپ قالدى...", - دەدٸ ول.
دەپۋتات بۇل قاراپايىم تۇتىنۋشىلاردىڭ قۇقىعىن تاپتاۋ دەپ ەسەپتەيدٸ.سەبەبٸ: باعا ٶسەدٸ, بٸراق نارىقتا بالاما وپەراتور جوق, ياعني تۇتىنۋشى تاڭداۋ مٷمكٸندٸگٸنەن ايىرىلادى. نەتيجەسٸندە, ابونەنتتەرگە باجسىز (جاي عانا باعانى كەلٸسٸپ كٶتەرۋ ارقىلى) جوعارى اقى تٶلەۋ مٸندەتتەلەدٸ.
2023 جىلدان بەرٸ بايلانىس تاريفتەرٸ 7–57پايىز ارالىعىندا قىمباتتاپتى. قازاقستاندا 26,3 ميلليون موبيلدٸ جازىلىم بار – بۇل حالىق سانىنان دا كٶپ. 18,8 ميلليون ازامات موبيلدٸ ينتەرنەتكە تەۋەلدٸ.
دەل قازٸر قوعامدا وپەراتورلار نارىقتاعى ٶزٸنٸڭ ٷستەمدٸگٸن پايدالانا وتىرىپ, مونوپولييالىق كەلٸسٸم جاساۋى ىقتيمال دەگەن پٸكٸر ٶرتتەي قاۋلاپ تۇر", - دەگەن ەشٸمجانوۆ AMANAT فراكتسيياسى اگەنتتٸك كەلەسٸ قادامداردى جاساۋ قاجەت دەپ ەسەپتەيتٸنٸن ايتتى:
1. ينتەرنەتتٸ جەتكٸزۋ, تاراتۋ سەكتورلارىن مونوپولييالىق كەلٸسٸم فاكتٸلەرٸ باعىتىندا كەشەندٸ تەكسەرۋ جٷرگٸزۋ قاجەت.
2. ٷكٸمەت ۇيالى بايلانىس نارىعىن مونوپولييادان ارىلتۋ شارالارىن قولعا الۋى كەرەك. بۇل رەتتە, مەملەكەتٸڭ قاۋٸپسٸزدٸگٸ مەن تۇتىنۋشىلار مٷددەسٸ بٸرٸنشٸ كەزەكتە ەسكەرٸلۋٸ تيٸس.
3. ۇيالى بايلانىس پەن ينتەرنەت ساپاسىن ارتتىرۋ ٷشٸن مٷلدەم موبيلدٸ ينتەرنەتٸ جوق اۋىلداعا جەلٸنٸ جەتكٸزۋ
بويىنشا ناقتى جول كارتاسىن دايارلاۋ.
4. اتالعان كومپانييالار ٶزدەرٸنٸڭ ۇيالى تەلەفون ينتەرنەت نارىعىنداعى ٷستەم جاعدايىن پايدالان وتىرىپ, ٶزارا باعا جٶنٸندەگٸ كەلٸسٸمنٸڭ بار-جوقتىعىن انىقتاۋ كەرەك.
5. اتالعان كومپانييالار ۇيالى تەلەفون, ينتەرنەت نارىعىنا زاڭسىز ەرەكشە قۇقىقا يە. بۇل ەرەكشە قۇقىقتى بۇزۋ ٷشٸن وسى نارىقتاعى نارىعىنا باسقا قاتىسۋشىلاردى ەنگٸزۋ قاجەت, ياعني بەسەكەلەستٸكتٸ ارتتىرۋ كەرەك.
اتالعان شارالار پرەزيدەنت توقاەۆ اتاپ ٶتكەندەي «باعانى تۇراقتاندىرۋدىڭ» باستى فاكتورى بولادى.
"بۇل تسيفرلار — موبيلدٸ بايلانىس قازٸر جاي قىزمەت ەمەس, ەلدٸڭ تسيفرلىق تۇتاستىعىن ۇستاپ تۇرعان ستراتەگييالىق رەسۋرس ەكەنٸن دەلەلدەيدٸ. ياعني باعانىڭ تۇراقسىزدىعى — ەكونوميكالىق قانا ەمەس, اسا ٷلكەن ەلەۋمەتتٸك قاۋٸپتٸڭ دە بەلگٸسٸ", - دەپ وتىر دەپۋتات.
