كاسپيي تەڭٸزٸندەگٸ ەسكەري وقۋ-جاتتىعۋ كەزٸندە امان قالعان 20 جاستاعى ماتروس بەكەت قۋاندىق جاعالاۋعا جەتۋ ٷشٸن شامامەن 400-500 مەتر قاشىقتىقتى جٷزٸپ ٶتكەن. ونىڭ قالاي قۇتىلعانىن ەكەسٸ باقىتبەك كەنجەعۇلوۆ ايتىپ بەردٸ, دەپ حابارلايدى ult.kz.

ەكەسٸنٸڭ ايتۋىنشا, بەكەت ەسكەرگە وسىدان بٸر جىل بۇرىن تۋعان كٷنٸندە كەتكەن. ول دزيۋدودان سپورت شەبەرٸ, ستۋدەنت ەرٸ بولاشاق دەنە شىنىقتىرۋ پەنٸنٸڭ مۇعالٸمٸ.

وقۋ-جاتتىعۋ بارىسىندا ەسكەري قىزمەتشٸلەر تەڭٸزدٸڭ تەرەڭ بٶلٸگٸنە تٷسكەن. سول كەزدە بەكەت سابىر ساقتاپ, جاعالاۋعا قاراي جٷزۋگە شەشٸم قابىلداعان.

«مەن ٶزٸمدٸ سابىرعا كەلتٸرٸپ, جاعاعا قاراي جٷزدٸم», – دەگەن ول تۋىستارىنا.

باقىتبەك كەنجەعۇلوۆتىڭ سٶزٸنشە, ۇلى بالا كەزٸنەن جٷزۋمەن اينالىسىپ, فيزيكالىق دايىندىعىن شىڭداعان. وسى دايىندىعىنىڭ ارقاسىندا ول 400-500 مەترگە جۋىق جٷزٸپ, جاعالاۋعا جەتە العان.

اتا-اناسى ۇلىنىڭ ەسكەردەن امان-ەسەن ورالۋىنا وراي داستارحان جايۋدى جوسپارلاپ, تٸپتٸ دەمحاناعا الدىن الا تاپسىرىس بەرگەن. الايدا بەكەت قازا تاپقان قارۋلاستارىن ويلاپ, مەرەكەلٸك جيىن ٶتكٸزۋدەن باس تارتقان.

«ەكە, قاجەت ەمەس, سالتاناتتى جيىن ٶتكٸزبەڭٸزدەر. دوستارىمنان ايىرىلعاندا مەن قالاي تويلاي الامىن?» – دەگەن بەكەت ەكەسٸنە.

كاسپييدەگٸ قايعىلى وقيعا: 14 سارباز قازا تاۋىپ, ٷشەۋٸ امان قالدى

كاسپيي تەڭٸزٸندەگٸ ەسكەري وقۋ-جاتتىعۋ كەزٸندە 14 ەسكەري قىزمەتشٸ قازا تاپتى. تاعى ٷش سارباز قۇتقارىلىپ, امان قالدى. قايعىلى وقيعا 24 قىركٷيەكتە ماڭعىستاۋ وبلىسى اۋماعىندا بولعان.

قورعانىس مينيسترلٸگٸنٸڭ مەلٸمەتٸنشە, وقۋ-جاۋىنگەرلٸك مٸندەتتٸ ورىنداۋ كەزٸندە اۋا رايى كٷرت ناشارلاپ, 17 ەسكەري قىزمەتشٸ اشىق تەڭٸزگە كەتكەن. ولاردىڭ ٷشەۋٸن قۇتقارۋشىلار امان الىپ قالعان, ال 14 ەسكەري قىزمەتشٸ قازا تاپقان.

امان قالعانداردىڭ قاتارىندا بەكەت قۋاندىق, اقجول تەمٸرحان جەنە نيكيتا ۋدالوۆ بار. اقجول تەمٸرحان اۋىر جاعدايدا اۋرۋحاناعا جەتكٸزٸلٸپ, كەيٸن ەسٸن جيعان. بەكەت قۋاندىق پەن نيكيتا ۋدالوۆتىڭ جاعدايى تۇراقتى ەكەنٸ حابارلانعان.

قازا تاپقانداردىڭ ەكەۋٸ باستاپقىدا حابار-وشارسىز كەتكەن بولاتىن. 25 قىركٷيەكتە سەرجانت مانسۇر گۋماروۆ پەن ماتروس ميراس تۇردىبەكۇلىنىڭ دەنەسٸ تابىلىپ, ٸزدەستٸرۋ-قۇتقارۋ وپەراتسيياسى اياقتالدى.

وقيعادان كەيٸن قورعانىس مينيسترلٸگٸنە قاتىستى قىلمىستىق ٸس قوزعالىپ, ەسكەري قىزمەتشٸلەردٸڭ قاۋٸپسٸزدٸگٸنە جاۋاپتى بٸرقاتار لاۋازىمدى تۇلعا ۇستالدى.

قايعىلى وقيعاعا بايلانىستى 25 قىركٷيەك قازاقستاندا جالپىۇلتتىق ازا تۇتۋ كٷنٸ بولىپ جارييالاندى. ال 26-27 قىركٷيەكتە پرەزيدەنت قاسىم-جومارت توقاەۆ ەسكەري سالاعا قاتىستى تەكسەرۋ جٷرگٸزۋدٸ تاپسىردى جەنە قورعانىس مينيسترٸ دەۋرەن قوسانوۆ قىزمەتٸنەن بوساتىلدى.

كاسپييدەگٸ وقۋ-جاتتىعۋ كەزٸندە اتى اتالعان ماعاۋييا مەن احمەتوۆ كٸم?

كاسپيي تەڭٸزٸندەگٸ ەسكەري وقۋ-جاتتىعۋ كەزٸندە 14 سارباز قازا تاپقاننان كەيٸن ەلەۋمەتتٸك جەلٸدە ەكٸ ماتروستىڭ – اينار احمەتوۆ پەن ەلي ماعاۋييانىڭ تاعدىرىنا قاتىستى اقپارات تاراعان ەدٸ.

اينار احمەتوۆتٸڭ تۋىستارى ونىڭ تەڭٸزگە تٷسٸپ, ٶز كٷشٸمەن جاعاعا شىققانىن ايتقان. وسىدان كەيٸن ونىڭ اتى امان قالعان ٷش ەسكەري قىزمەتشٸنٸڭ قاتارىندا نەگە جوق دەگەن سۇراقتار پايدا بولدى.

ال ەلي ماعاۋيياعا قاتىستى دا ەلەۋمەتتٸك جەلٸدە تٷرلٸ اقپارات تاراعان.

وسىعان بايلانىستى قورعانىس مينيسترلٸگٸ ەكٸ ساربازدىڭ دا امان ەكەنٸن جەنە ەسكەري قىزمەتٸن جالعاستىرىپ جٷرگەنٸن مەلٸمدەدٸ.

ۆەدومستۆونىڭ تٷسٸندٸرۋٸنشە, اينار احمەتوۆ پەن ەلي ماعاۋييا 24 قىركٷيەكتە تەڭٸزگە كەتكەن 17 ەسكەري قىزمەتشٸنٸڭ قۇرامىندا بولماعان. ولار وقۋ-جاتتىعۋ كەزٸندە جاعالاۋدا قالىپ, ٶزدەرٸنە بەرٸلگەن وقۋ مٸندەتتەرٸن ورىنداعان.

ەلي ماعاۋييا ۆيدەوٷندەۋٸندە:

«24 قىركٷيەك كٷنٸ تەڭٸز جاعالاۋىندا بولدىم. كەمەگە مٸنگەن جوقپىن. ٶزٸمە بەرٸلگەن مٸندەتتٸ, ياعني تەڭٸز جاعالاۋىن كٷزەتۋدٸ اتقاردىم», – دەدٸ.

اينار احمەتوۆ تە سول كٷنٸ جاعالاۋدا بولعانىن جەنە كەمەگە وتىرماعانىن ايتتى. ول وقيعادان كەيٸن جاقىندارىمەن بايلانىسىپ, جاعدايىنىڭ جاقسى ەكەنٸن حابارلاعان.

قورعانىس مينيسترلٸگٸ ەكٸ ماتروستىڭ دا قازٸرگٸ ۋاقىتتا ەسكەري بٶلٸمدە ەكەنٸن جەنە قىزمەتٸن جالعاستىرىپ جاتقانىن ناقتىلادى.