Jambyl oblysyndaǵy qatty daýyl qalalyq infraqurylymǵa aitarlyqtai shyǵyn keltirdi, dep habarlaidy QazAqparat.
Taraz qalasynda nysandardyń jartysynan kóbi elektr jaryǵynan ajyratyldy, elektr tasymaldaý jelileri isten shyqqan, kóptegen shatyrlar julyndy, aǵashtar qulap, avtomobilder búlingen.
Keshe keshke jeldiń sekýndyna 30 metr jyldamdyqpen soǵatyny týraly eskertý jariialanǵan. Áleýmettik jelilerde Tarazdaǵy 47-shi mekteptiń qasynda oqýshylardyń ústine aǵash qulaǵany týraly habarlandy. Oqýshylardyń ata-analary balalardy úige alyp ketýge keńes beredi. Jambyl oblysynyń politsiia departamentinde júrgizýshilerden múmkindiginshe úide qalýyn suraidy.
«Jambyl oblysynyń aýmaǵynda jel ekpiniń 30 m/s deiin kúsheiýine bailanysty kólik júrgizý qaýipti, júrgizýshilerge qyraǵy ári muqiiat bolý qajet. Joldardaǵy qaýipsizdik úshin alys saparlarǵa shyqpas buryn, aýa raiy jaǵdaiyn eskerip, qutqarý qyzmetiniń eskertýlerine kóńil bólý kerek. Aýa raiy nasharlaǵan jaǵdaida eldi mekenderden shyqpai, qajettilik týyndasa, kóliktiń balamaly túrin paidalanǵan jón», - delingen vedomstvonyń habarlamasynda.
Jambyl oblysynyń TJD-da ázirge qandai da bir aqparat berýden bas tartty.
