Tanymal prodiýser Gúlzira Aidarbekova ózin synaǵan emshi Baǵdagúlge áleýmettik jelide jaýap berdi, dep habarlaidy ult.kz.

Prodiýserdiń aitýynsha, emshi Shymkenttegi kontsertke qatysty rastalmaǵan málimetter jariialap, keiin sózin ózgertken. Aidarbekova onyń adam ólimi týraly aqparat taratqanyn aityp, narazylyǵyn bildirdi.

“Bul jalǵan aqparattar jibergen: adam ólimi boldy dep bir, odan keiin bir qyz kóz jumdy dep, odan keiin jamandap video saldy. Sony istoriiama salyp edim, belgilep, «Sasqan úirek artymen súńgidi» dep, sózin ózgertip, halyq-halyq dep sózin dereý ózgertip, osylai video saldy”, — dep jazdy ol.

Gúlzira Aidarbekova ózgeniń ómirine aralaspaitynyn, alaida ulyna qatysty aitylǵan sózderdi jaýapsyz qaldyrmaitynyn jetkizdi.

“Men bireýge tiispeimin de, eldiń ómirinde sharýam da joq, biraq ulyma tiisse, qarap otyra almaimyn”, — dedi prodiýser.

Sondai-aq ol adam ólimi týraly jalǵan aqparat taratýdyń jaýapkershiligi bar ekenin eskertti. 

Aita keteiik, Baǵdagúl emshi Qairat Nurtastyń kontsertin synady.

Gúlzira Aidarbekova kim?

Gúlzira Aidarbekova - qazaqstandyq prodiýser, kásipker jáne ánshi Qairat Nurtastyń anasy. Ol 1968 jylǵy 12 sáýirde dúniege kelgen. Jubaiy Nurtas Aidarbekovpen birge Qairat, Aian jáne Zańǵar esimdi úsh ul tárbielep ósirgen.

Qairat Nurtastyń shyǵarmashylyq jolynda anasynyń úlesi zor. Gúlzira Aidarbekova ulynyń sahnaǵa shyǵýyna qoldaý kórsetip, uzaq jyl prodiýserlik qyzmetin atqarǵan. Onyń kontsertterin uiymdastyrýǵa, shyǵarmashylyq jobalaryn iske asyrýǵa jáne tyńdarmanǵa tanylýyna atsalysqan. 2008 jyly anasy men balasy “Kairat Nurtas Production” prodiýserlik ortalyǵyn qurǵan.

2025 jyly Gúlzira Aidarbekova prodiýserlik jumystan sheginip, shyǵarmashylyq isterdi ulynyń ózine tapsyrǵanyn málimdedi. Degenmen ol Qairatqa qoldaý kórsetip, otbasyna qatysty jańalyqtardy áleýmettik jelidegi oqyrmandarymen bólisip keledi.