جامبىل وبلىسىنداعى قاتتى داۋىل قالالىق ينفراقۇرىلىمعا ايتارلىقتاي شىعىن كەلتٸردٸ, دەپ حابارلايدى قازاقپارات.
تاراز قالاسىندا نىسانداردىڭ جارتىسىنان كٶبٸ ەلەكتر جارىعىنان اجىراتىلدى, ەلەكتر تاسىمالداۋ جەلٸلەرٸ ٸستەن شىققان, كٶپتەگەن شاتىرلار جۇلىندى, اعاشتار قۇلاپ, اۆتوموبيلدەر بٷلٸنگەن.
كەشە كەشكە جەلدٸڭ سەكۋندىنا 30 مەتر جىلدامدىقپەن سوعاتىنى تۋرالى ەسكەرتۋ جارييالانعان. ەلەۋمەتتٸك جەلٸلەردە تارازداعى 47-شٸ مەكتەپتٸڭ قاسىندا وقۋشىلاردىڭ ٷستٸنە اعاش قۇلاعانى تۋرالى حابارلاندى. وقۋشىلاردىڭ اتا-انالارى بالالاردى ٷيگە الىپ كەتۋگە كەڭەس بەرەدٸ. جامبىل وبلىسىنىڭ پوليتسييا دەپارتامەنتٸندە جٷرگٸزۋشٸلەردەن مٷمكٸندٸگٸنشە ٷيدە قالۋىن سۇرايدى.
«جامبىل وبلىسىنىڭ اۋماعىندا جەل ەكپٸنٸڭ 30 م/س دەيٸن كٷشەيۋٸنە بايلانىستى كٶلٸك جٷرگٸزۋ قاۋٸپتٸ, جٷرگٸزۋشٸلەرگە قىراعى ەرٸ مۇقييات بولۋ قاجەت. جولدارداعى قاۋٸپسٸزدٸك ٷشٸن الىس ساپارلارعا شىقپاس بۇرىن, اۋا رايى جاعدايىن ەسكەرٸپ, قۇتقارۋ قىزمەتٸنٸڭ ەسكەرتۋلەرٸنە كٶڭٸل بٶلۋ كەرەك. اۋا رايى ناشارلاعان جاعدايدا ەلدٸ مەكەندەردەن شىقپاي, قاجەتتٸلٸك تۋىنداسا, كٶلٸكتٸڭ بالامالى تٷرٸن پايدالانعان جٶن», - دەلٸنگەن ۆەدومستۆونىڭ حابارلاماسىندا.
جامبىل وبلىسىنىڭ تجد-دا ەزٸرگە قانداي دا بٸر اقپارات بەرۋدەن باس تارتتى.
