Búgin saǵat 20.00-de Taraz qalasyn «Kazfosfat» JShS mineraldy tyńaitqyshtar zaýytynan shyqqan qoiý tútin basty.
Oblys ákimdigi baspasóz qyzmetiniń habarlaýynsha, aldyn ala júrgizilgen taldaýlardyń nátijesinde ftor qosylystarynyń shamaly joǵarylaǵany baiqalǵan.
Qazirgi ýaqytta mineraldy tyńaitqyshtar zaýyty men qalanyń sanitarlyq shekarasynda azot sekildi basqa zattardyń kóbeiýi anyqtalmaǵan.
«Oblys ákiminiń tapsyrmasymen ekologtar, Tótenshe jaǵdailar departamentiniń mamandary jáne basqa da jaýapty tulǵalardyń qatysýymen jumys toby quryldy. Jumys tobyn Jambyl oblysy ákiminiń orynbasary Rústem Dáýlet basqarady.
Qazirgi ýaqytta basqa da aimaqtarda zerdeleý jumystary jalǵasyp jatyr. Turǵyndardy sabyr saqtap, tek resmi aqparatqa senýge shaqyramyz!», - dep habarlady ákimdikten.
