Taraz qalasyndaǵy «Aiaýlym» meiramhanasynyń ornynan «Dámdi sebet» saýda ortalyǵy ashyldy, - dep habarlaidy "Ult aqparat".
Jumysyn endi ǵana bastaǵan saýda ortalyǵyna kelýshilerdiń qarasy qalyń. Ondaǵy azyq-túlik baǵasy da naryq baǵasynan tómendeý ekeni baiqalady.
Jambyl oblysy ákimdigi kásipkerlik jáne indýstrialdy-innovatsiialyq damý basqarmasynyń basshysy Aspandiiar Seisebaevtyń aitýynsha, qazirgi tańdaǵy pandemiialyq ahýalǵa bailanysty meiramhanalar men restoran biznesi toqtap tur. Bul kóptegen kásipkerlerdi tabysynan qaqqany jasyryn emes.
«Olardyń bankter aldynda bereshekteriniń baryn eskerip, odan shyǵý joldaryn usynýdamyz. Máselen, Taraz qalasynda mundai 67 meiramhana bar eken. Óz ǵimaratyn «Dámdi sebet» saýda ortalyǵyn jasaýǵa jalǵa berip otyrǵan birden-bir meiramhana – «Aiaýlym». Ol buryn toihana, bir jaǵy restoran edi. Endi azyq-túlik dúkenine ainaldy. Bul – Taraz qalasynda ǵana jalǵasyp jatqan is-shara emes, Qazaqstan boiynsha qolǵa alynǵan bastama», – dedi basqarma basshysy.
Atalǵan saýda ortalyǵy operatsiia zalynyń direktory Sholpan Oljabekqyzy munda 5 myń taýar túri ótkeriletinin jetkizdi. Sonymen qatar, eki aptada bir ret bir zatqa bir zat qosyp berý aktsiiasyn ótkizý josparlaýda. Keibir azyq-túlik baǵalary 10-30 paiyzǵa jeńildetilgen. Jalpy sórelerge qoiylǵan ónimniń basym bóligin otandyq taýarlar quraidy. Sondai-aq munda saýda jelisiniń óz naýbaihanasy, tort pisirý tsehtarynyń ónimderi de saýdalanady.
