تاراز قالاسىنداعى «اياۋلىم» مەيرامحاناسىنىڭ ورنىنان «دەمدٸ سەبەت» ساۋدا ورتالىعى اشىلدى, - دەپ حابارلايدى "ۇلت اقپارات".
جۇمىسىن ەندٸ عانا باستاعان ساۋدا ورتالىعىنا كەلۋشٸلەردٸڭ قاراسى قالىڭ. ونداعى ازىق-تٷلٸك باعاسى دا نارىق باعاسىنان تٶمەندەۋ ەكەنٸ بايقالادى.
جامبىل وبلىسى ەكٸمدٸگٸ كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنىڭ باسشىسى اسپاندييار سەيسەباەۆتىڭ ايتۋىنشا, قازٸرگٸ تاڭداعى پاندەمييالىق احۋالعا بايلانىستى مەيرامحانالار مەن رەستوران بيزنەسٸ توقتاپ تۇر. بۇل كٶپتەگەن كەسٸپكەرلەردٸ تابىسىنان قاققانى جاسىرىن ەمەس.
«ولاردىڭ بانكتەر الدىندا بەرەشەكتەرٸنٸڭ بارىن ەسكەرٸپ, ودان شىعۋ جولدارىن ۇسىنۋدامىز. مەسەلەن, تاراز قالاسىندا مۇنداي 67 مەيرامحانا بار ەكەن. ٶز عيماراتىن «دەمدٸ سەبەت» ساۋدا ورتالىعىن جاساۋعا جالعا بەرٸپ وتىرعان بٸردەن-بٸر مەيرامحانا – «اياۋلىم». ول بۇرىن تويحانا, بٸر جاعى رەستوران ەدٸ. ەندٸ ازىق-تٷلٸك دٷكەنٸنە اينالدى. بۇل – تاراز قالاسىندا عانا جالعاسىپ جاتقان ٸس-شارا ەمەس, قازاقستان بويىنشا قولعا الىنعان باستاما», – دەدٸ باسقارما باسشىسى.
اتالعان ساۋدا ورتالىعى وپەراتسييا زالىنىڭ ديرەكتورى شولپان ولجابەكقىزى مۇندا 5 مىڭ تاۋار تٷرٸ ٶتكەرٸلەتٸنٸن جەتكٸزدٸ. سونىمەن قاتار, ەكٸ اپتادا بٸر رەت بٸر زاتقا بٸر زات قوسىپ بەرۋ اكتسيياسىن ٶتكٸزۋ جوسپارلاۋدا. كەيبٸر ازىق-تٷلٸك باعالارى 10-30 پايىزعا جەڭٸلدەتٸلگەن. جالپى سٶرەلەرگە قويىلعان ٶنٸمنٸڭ باسىم بٶلٸگٸن وتاندىق تاۋارلار قۇرايدى. سونداي-اق مۇندا ساۋدا جەلٸسٸنٸڭ ٶز ناۋبايحاناسى, تورت پٸسٸرۋ تسەحتارىنىڭ ٶنٸمدەرٸ دە ساۋدالانادى.
