Foto: Polisia.kz
Jambyl oblysynda PD esirtki qylmysyna qarsy is-qimyl basqarmasynyń qyzmetkerleri asa iri kólemde esirtki saýdasyna qatysy bar degen kúdikpen Taraz qalasynyń turǵynyn ustady, – dep habarlaidy "Ult aqparat" Polisia.kz portalyna silteme jasap.
Politseiler alty ai boiy geroin tobyndaǵy esirtki ótkizýdiń iri arnasyn anyqtaý jáne joiý boiynsha jasyryn tergeý áreketterin júrgizgen.
"Kúdiktiniń turǵylyqty jerin tintý barysynda erekshe iisti sur-qońyr tústi zaty bar eki sirińke qoraby tabylyp, tárkilendi. Saraptama qorytyndysyna sáikes, atalǵan zat jalpy salmaǵy 5,45 gramm – shamamen 60 doza geroin esirtkisi bolyp shyqty" - delingen habarlamada.
Arnaiy operatsiia nátijesinde ustalǵan áiel – “Cheli apai” búrkenshik atymen buryn geroin satqany úshin birneshe ret sotty bolǵan. Ol quryqtaý kezinde osyndai qylmystar jasaǵany úshin bas bostandyǵyn shekteý túrindegi jazasyn sońyna deiin ótep úlgermegen.
Atap ótý kerek, osydan bir jyl buryn jedel ýákilder onyń 41 jastaǵy qyzyn esirtki saýdasy salasyndaǵy qylmystary úshin “Maka” búrkenshik atymen quryqtaǵan.
"63 jastaǵy turǵyn birneshe ret qylmystyq jaýapkershilikke tartylǵanyna, qyzy bas bostandyǵynan aiyrý oryndarynda jazasyn ótep jatqanyna qaramastan, zańsyz jolmen alynǵan tabystan bas tartpaǵan.
Atalǵan derek boiynsha QR QK-niń 297-baby 1-bóligimen (Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) sotqa deiingi tergeý amaldary bastaldy. Kúdikti Taraz qalasynyń PB ýaqytsha ustaý izoliatoryna qamaýǵa alyndy. Qazir ýaqytta esirtki jetkizý arnasyn anyqtaý boiynsha qajetti tergeý sharalary júrgizilip jatyr", – deidi PD EQQIB bastyǵy Álim Bajyqbaev.
