Politseiler Tarazda jýrnalisti tonamaq bolǵan adamdy ustady, – dep habarlaidy "Ult aqparat" Polisia.kz portalyna silteme jasap.
"23 qazanda saǵat 06:40-ta Taraz qalasynyń politsiia bólimine tonaý áreketi týraly qońyraý tústi. Shaǵymdanǵan áiel Súleimenov kóshesindegi “Jastar” alleiasynda belgisiz er adam uialy telefony men qolma-qol aqshasyn urlamaq bolǵanyn jáne birneshe ret urǵanyn habarlady. Al áiel qarsylyq kórsete bastaǵanda, óziniń qylmystyq áreketin aiaqtamai, belgisiz baǵytta qashyp ketken.
Osy derek negizinde politsiia qyzmetkerleri Qazaqstan Respýblikasy Qylmystyq kodeksiniń 24-baby 3-bólimi 191-baby 2-bólimi 1-tarmaǵy (Tonaýǵa oqtalý, iaǵni jábirlenýshiniń ómirine nemese densaýlyǵyna qaýipti emes zorlyq-zombylyqty qoldana otyryp, bótenniń múlkin ashyq urlaý) boiynsha sotqa deiingi tergep-tekserýdi bastady.
Politsiia qyzmetkerleri qylmyskerdi anyqtaý jáne ustaý boiynsha jedel-izdestirý is-sharalaryn dereý bastady. Jábirlenýshiniń sózimen sýreti jasalyp, jergilikti jerdiń syzbasy júrgizildi. Okrýgtegi, onyń ishinde Taraz qalasynyń Politsiia basqarmasy jedel basqarý ortalyǵynyń beinebaqylaý kameralary zertteldi" - delingen habarlamada.
Is-sharalar kesheniniń nátijesinde Jambyl oblysynyń kriminaldyq politsiia qyzmetkerleri Tarazdyń 35 jastaǵy turǵynyn ustaǵan. Er adam óziniń kinásin tolyq moiyndap, jasaǵan qylmysyna ókingen.
Kúdikti ýaqytsha ustaý izoliatoryna qamaýǵa alyndy, tergeý júrgizilip jatyr.
