پوليتسەيلەر تارازدا جۋرناليستٸ توناماق بولعان ادامدى ۇستادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"23 قازاندا ساعات 06:40-تا تاراز قالاسىنىڭ پوليتسييا بٶلٸمٸنە توناۋ ەرەكەتٸ تۋرالى قوڭىراۋ تٷستٸ. شاعىمدانعان ەيەل سٷلەيمەنوۆ كٶشەسٸندەگٸ “جاستار” اللەياسىندا بەلگٸسٸز ەر ادام ۇيالى تەلەفونى مەن قولما-قول اقشاسىن ۇرلاماق بولعانىن جەنە بٸرنەشە رەت ۇرعانىن حابارلادى. ال ەيەل قارسىلىق كٶرسەتە باستاعاندا, ٶزٸنٸڭ قىلمىستىق ەرەكەتٸن اياقتاماي, بەلگٸسٸز باعىتتا قاشىپ كەتكەن.
وسى دەرەك نەگٸزٸندە پوليتسييا قىزمەتكەرلەرٸ قازاقستان رەسپۋبليكاسى قىلمىستىق كودەكسٸنٸڭ 24-بابى 3-بٶلٸمٸ 191-بابى 2-بٶلٸمٸ 1-تارماعى (توناۋعا وقتالۋ, ياعني جەبٸرلەنۋشٸنٸڭ ٶمٸرٸنە نەمەسە دەنساۋلىعىنا قاۋٸپتٸ ەمەس زورلىق-زومبىلىقتى قولدانا وتىرىپ, بٶتەننٸڭ مٷلكٸن اشىق ۇرلاۋ) بويىنشا سوتقا دەيٸنگٸ تەرگەپ-تەكسەرۋدٸ باستادى.
پوليتسييا قىزمەتكەرلەرٸ قىلمىسكەردٸ انىقتاۋ جەنە ۇستاۋ بويىنشا جەدەل-ٸزدەستٸرۋ ٸس-شارالارىن دەرەۋ باستادى. جەبٸرلەنۋشٸنٸڭ سٶزٸمەن سۋرەتٸ جاسالىپ, جەرگٸلٸكتٸ جەردٸڭ سىزباسى جٷرگٸزٸلدٸ. وكرۋگتەگٸ, ونىڭ ٸشٸندە تاراز قالاسىنىڭ پوليتسييا باسقارماسى جەدەل باسقارۋ ورتالىعىنىڭ بەينەباقىلاۋ كامەرالارى زەرتتەلدٸ" - دەلٸنگەن حابارلامادا.
ٸس-شارالار كەشەنٸنٸڭ نەتيجەسٸندە جامبىل وبلىسىنىڭ كريمينالدىق پوليتسييا قىزمەتكەرلەرٸ تارازدىڭ 35 جاستاعى تۇرعىنىن ۇستاعان. ەر ادام ٶزٸنٸڭ كٸنەسٸن تولىق مويىنداپ, جاساعان قىلمىسىنا ٶكٸنگەن.
كٷدٸكتٸ ۋاقىتشا ۇستاۋ يزولياتورىنا قاماۋعا الىندى, تەرگەۋ جٷرگٸزٸلٸپ جاتىر.
