Foto: pexels.com
Jambyl oblysynda perzenthananyń eki akýsheri jańa týǵan náresteni satqany úshin sotqa tartyldy, dep habarlaidy Kazinform agenttigi.
Aita keteiik, oqiǵa 2022 jyldyń qarashasynda bolǵan.
Jábirlenýshi júktilikti merziminen buryn toqtatý maqsatynda aýrýhananyń perzenthana bóliminiń akýsheri B-ǵa habarlasqan.
Qyzdyń júktiligin otbasynan jasyrǵanyn túsingen B. áriptesi Iu-dan bosanǵannan keiin balany satýǵa kómek suraǵan.
Óziniń qylmystyq nietin júzege asyrý úshin (iaǵni bir top adammen aldyn ala sóz bailasý arqyly) akýsherler jábirlenýshini aldaý jáne senimin teris paidalaný arqyly jańa týǵan náresteni bireýge 1,5 mln teńgege satqan.
Sottalýshylardyń kinási jábirlenýshiniń zańdy ókiliniń, kýágerlerdiń aiǵaqtarymen, saraptama qorytyndysymen jáne zattai dáleldememen dáleldengen.
Jambyl oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń bergen málimetine súiensek, prokýror sottalýshylardy 9 jylǵa bas bostandyǵynan aiyrýdy suraǵan.
Sottalýshylar kinásin ishinara moiyndaǵan.
Jalpy, atalǵan qylmys boiynsha Qylmystyq kodekstiń 135-baby 2-bólimine sáikes 9 jyldan 12 jylǵa deiin bas bostandyǵynan aiyrý jazasy kózdelgen.
Qylmystyq jaýapkershilik pen jazany jeńildetetin mán-jai retinde bir sottalýshynyń jas balalary bar ekeni eskerilgen.
Jasalǵan qylmystyń sipaty men qoǵamdyq qaýip dárejesin, sondai-aq QK 55-baby 2-bóliminiń talaptaryn eskere otyryp, sottalýshylar 8 jylǵa bas bostandyǵynan aiyryldy.
Úkim zańdy kúshine engen joq.
