Taraz qalasynda túngi ýaqytta taksi júrgizýshisin soqqyǵa jyǵyp, tonap ketken 32 jáne 29 jastaǵy turǵyndar qolǵa tústi, - dep habarlaidy "Ult aqparat".
Jeke kólikpen adam tasýmen ainalysatyn Taraz qalasynyń 25 jastaǵy turǵyny keshki saǵat 19.30-da qala ortalyǵynan eki adamdy Qant zaýyty aýdanyna aparýǵa kelisedi. Mejelengen jerge, iaǵni jaryqsyz jáne adam kóp júrmeitin kóshe kelgende jolaýshylar júrgizýshini kólikten shyǵaryp, jerge qulatyp, ura bastaǵan. Jábirlenýshige qarsylyq kórsetýge múmkindik bermei, bireýi - sporttyq bitamen (saqa), ekinshisi judyryqpen soqqylaǵan. Jábirlenýshiniń jeke múlkin alyp, qaskúnemder oqiǵa ornynan boi tasalaǵan. Bul týraly oblystyq politsiia departamentiniń baspasóz qyzmeti habarlady.
«Atalǵan derekke qatysty QR QK 191-babynyń 2-bóligi (tonaý) boiynsha sotqa deiingi tergeý amaldary bastaldy, jeke múlki jábirlenýshige qaitaryldy. Kúdiktilerge qatysty Jambyl oblysynyń Mamandandyrylǵan tergeý soty kúzetpen ustaý túrindegi bultartpaý sharasyn sanktsiialady. Kúdiktilerdiń biri osyǵan uqsas qylmys jasaǵany úshin buryn birneshe ret sotty bolǵan»,-delingen vedomstvo habarlamasynda.
Taraz qalalyq politsiia basqarmasy jeke tasymaldaýmen ainalysatyn júrgizýshilerdi qala syrtyna eki jáne odan da kóp adamdy jetkizý kezinde qyraǵy bolýǵa shaqyrady.
