Foto ashyq derekkózden alyndy
QMA Jambyl oblysy boiynsha departamenti Taraz qalasynyń aýmaǵynda «The Finiko» qarjy (investitsiialyq) piramidasynyń qurylymdyq bólimshesin qurý jáne basqarý faktisin tergep jatyr, dep habarlaidy "Ult aqparat" Qarjylyq monitoring agenttigine silteme jasap.
Óńirde qarjy piramidasyn uiymdastyrýshylar «Thefiniko.SOM» baǵdarlamasy arqyly salymshylardy (investorlardy) tartqan.
«Olardyń qarajatyna (kripto valiýtasyna) álemdik birjalarda oidan shyǵarylǵan treidingti júzege asyryp, keiinnen kiristi qatysýshylar men uiymdastyrýshylar arasynda bólgeni anyqtaldy.
2021 jylǵy shildede QR Qarjy naryǵyn retteý jáne damytý agenttigi «The Finiko» jobasyn resmi túrde qarjy piramidasy dep tanydy.
Qazirgi ýaqytta qylmystyq is sheńberinde birqatar tergeý amaldary men tiisti saraptamalar júrgizilip jatyr, nátijesinde qylmystyq is boiynsha protsestik sheshim qabyldanady», - delingen habarlamada.
QR QPK-niń 201-babyna sáikes ózge de aqparat jariialaýǵa jatpaidy.
«The Finiko» qarjy (investitsiialyq) piramidasynyń qyzmetinen zardap shekken azamattardy Jambyl oblysy boiynsha Ekonomikalyq tergep-tekserý departamentine habarlasýyn suraimyz.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi», - delingen agenttik habarlamasynda.
