Tarazda politsei itke tabeldik qarý qoldandy, - dep habarlaidy Tengrinews.kz tilshisi Jambyl oblysy PD silteme jasap.
8 shildede saǵat 13:50-de "102" tetigine Taraz qalasyndaǵy dárihanaǵa qarama-qarsy bette eki belgisiz er adam spirttik ishimdik iship otyrǵany, al olardyń janynda tumyldyryqsyz tóbelesetin ittiń bar ekeni týraly habarlama tústi.
Shaqyrý ornyna kelgen politsiia qyzmetkerleri 1979 jáne 1986 jylǵy jergilikti eki turǵyndy anyqtady, olarǵa ótip bara jatqan adamdar shaǵymdanǵan.
"43 jastaǵy er adam "Pitbýlterer" tuqymdy itin tynyshtandyrý jáne oǵan tumyldyryq kigizý týraly politsiia qyzmetkeriniń talabyna jaýap bermedi. It bosanyp shyǵyp, ainalada júrgen adamdarǵa qaýipti boldy.
Qaiǵyly oqiǵa oryn almaýy úshin Taraz qalasynyń Politsiia basqarmasy patrýldik politsiia batalonynyń inspektory tabeldik qarýdan oq atty", - delingen habarlamada.
Zardap shekkender joq. It tiri jáne iesiniń áieline qaitarylǵany aityldy.
