Jambyl oblystyq qylmystyq ister boiynsha mamandandyrylǵan aýdanaralyq soty qaita ashylǵan jaǵdailarǵa bailanysty kásipker Murathan Toqmádidiń isin qaraidy, dep habarlaidy "Ult aqparat" QazAqparat agenttigine silteme jasap.
Eske salaiyq, «Depýtattyq korpýs» qylmystyq tobynyń jetekshisi M.Toqmádi 2017 jyldyń qazanynda Almaty qalasy Almaly aýdandyq sotynyń úkimimen bopsalaýshylyq jasaǵany úshin jáne zańsyz qarý-jaraq alǵany úshin sottaǵan edi. Sot ony úsh jylǵa bas bostandyǵynan aiyrǵan bolatyn.
Belgili bolǵandai, 2017 jyldyń qazanynda shyqqan suhbatynda sottalýshy M.Toqmádi bankir Erjan Tátishevti 2014 jyldyń 19 jeltoqsanynda Jambyl oblysy Qordai aýdany Otar stansasy mańynda ańshylyqqa shyqqan kezde óltirgenin moiyndaǵan.
Jambyl oblystyq qylmystyq ister boiynsha mamandandyrylǵan aýdanaralyq soty habarlaǵandai, bul is 5 aqpanda óndiriske túsken.
Is materialy boiynsha, Murathan Toqmádi «Turan Álem Banki» AQ -nyń burynǵy basqarma tóraǵasy Erjan Tátishevti óltirdi dep aiyptalýda. Qylmystyq isti sýdia Azamat Tilepov qaraidy. Onyń qashan qaralatyny ázirge belgisiz, dep málim etti sottyń baspasóz qyzmeti.
