جامبىل وبلىستىق قىلمىستىق ٸستەر بويىنشا مامانداندىرىلعان اۋدانارالىق سوتى قايتا اشىلعان جاعدايلارعا بايلانىستى كەسٸپكەر مۇراتحان توقمەديدٸڭ ٸسٸن قارايدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
ەسكە سالايىق, «دەپۋتاتتىق كورپۋس» قىلمىستىق توبىنىڭ جەتەكشٸسٸ م.توقمەدي 2017 جىلدىڭ قازانىندا الماتى قالاسى المالى اۋداندىق سوتىنىڭ ٷكٸمٸمەن بوپسالاۋشىلىق جاساعانى ٷشٸن جەنە زاڭسىز قارۋ-جاراق العانى ٷشٸن سوتتاعان ەدٸ. سوت ونى ٷش جىلعا باس بوستاندىعىنان ايىرعان بولاتىن.
بەلگٸلٸ بولعانداي, 2017 جىلدىڭ قازانىندا شىققان سۇحباتىندا سوتتالۋشى م.توقمەدي بانكير ەرجان تەتٸشەۆتٸ 2014 جىلدىڭ 19 جەلتوقسانىندا جامبىل وبلىسى قورداي اۋدانى وتار ستانساسى ماڭىندا اڭشىلىققا شىققان كەزدە ٶلتٸرگەنٸن مويىنداعان.
جامبىل وبلىستىق قىلمىستىق ٸستەر بويىنشا مامانداندىرىلعان اۋدانارالىق سوتى حابارلاعانداي, بۇل ٸس 5 اقپاندا ٶندٸرٸسكە تٷسكەن.
ٸس ماتەريالى بويىنشا, مۇراتحان توقمەدي «تۇران ەلەم بانكٸ» اق -نىڭ بۇرىنعى باسقارما تٶراعاسى ەرجان تەتٸشەۆتٸ ٶلتٸردٸ دەپ ايىپتالۋدا. قىلمىستىق ٸستٸ سۋديا ازامات تٸلەپوۆ قارايدى. ونىڭ قاشان قارالاتىنى ەزٸرگە بەلگٸسٸز, دەپ مەلٸم ەتتٸ سوتتىڭ باسپاسٶز قىزمەتٸ.
