Jambyldyq politsiia qyzmetkerleri oblys ákimdiginiń Jastar saiasaty máseleleri basqarmasynyń qyzmetkerlerimen jáne eriktilermen birge turǵyn úiler men ǵimarattardyń qabyrǵalaryna kodtyq sózder men bailanys nómirleri jazylǵan graffittilerdi óshirdi, dep habarlaidy "Ult aqparat".
Is-shara nátijesinde bir kúnniń ishinde qala boiynsha 100-den astam jazba joiyldy. Sondai-aq, Jambyl oblysynyń PD Esirtki qylmysyna qarsy is-qimyl basqarmasynyń qyzmetkerleri internet jelisine kúndelikti monitoring júrgizý arqyly Telegram-da esirtkini jarnamalaǵan paraqshalardy anyqtady.
Qazirgi ýaqytta anyqtalǵan internet-paraqshalar buǵattalyp, olardy ashýǵa jáne jumys isteýine qatysy bar adamdardy anyqtap, ustaý boiynsha izdestirý sharalary júrgizilýde.
«Graffiti jazýlardy engizgeni jáne internette kórsetilgen málimetterdi taratqany úshin QR QK 299-1-baby (Esirtki quraldaryn, psihotroptyq zattardy nemese olardyń analogtaryn, prekýrsorlardy nasihattaý nemese zańsyz jarnamalaý) boiynsha jaza kózdelgen. Osy qylmysty jasaǵany úshin úsh jylǵa deiingi merzimge bas bostandyǵynan aiyrý, aldyn ala sóz bailasý arqyly bir top adammen jasaǵany úshin úsh jyldan alty jylǵa deiingi merzimge bas bostandyǵynan aiyrý jazasy qarastyrylǵan», - delingen oblystyq Politsiia departamentiniń habarlamasynda.
Sondai-aq, atalǵan departament oblys turǵyndaryn esirtki qylmysyna qarsy kúreste belsendi azamattyq ustanym tanytýǵa shaqyrady.
